بۆ به‌رگریكردن له‌تیونێتى له‌ مانگى رِه‌مه‌زان ئه م خاڵه‌نه‌ جێبەجێ بكه‌.....







1- خۆ دوورگرتن له‌ خواردنی ئه‌و خواردنانه‌ی كه‌به‌هاراتیان تێدایه‌ ، به‌تایبه‌ت له‌ پارشێودا ، چونكه‌ پاش خواردنی ئه‌و خواردنانه‌ی كه‌ به‌هاراتیان تێدایه‌ له‌ش پێویستییه‌كی زۆری به‌ ئاو ده‌بێ.
2- هه‌وڵبده‌ له‌ كاته‌ جیاوازه‌كانی شه‌ودا ئاو كه‌م بخۆیته‌وه‌.
3- خواردنی میوه‌و سه‌وزه‌ی تازه‌و پێگه‌یشتوو ، به‌تایبه‌ت له‌ پارشێودا ، چونكه‌ ئه‌ندازه‌یه‌كی باشیان له‌ ئاو و ڕیشال تێدایه‌ ، كه‌ بۆ ماوه‌یه‌كی زۆر له‌ ڕیخۆڵه‌كاندا ده‌مێنێته‌وه‌و كه‌متر هه‌ست به‌ تیونێتی ده‌كرێت.
4- خوێ به‌كه‌می بكرێته‌ زه‌ڵاته‌وه‌ و له‌بری خوێ ئاوی لیمۆ به‌كار بهێنرێت.
5- ترشیات و ماسی خوێیاوی كه‌متر بخورێت، به‌تایبه‌ت له‌ پارشێودا.
6- هه‌ندێ به‌ هه‌ڵه‌ واتێگه‌یشتوون، كه‌خواردنه‌وه‌ی ئاوی زۆر له‌ پارشێودا بۆ تیونێتی باشه‌ ، به‌ڵام ئه‌مه‌ هه‌ڵه‌یه‌ ، چونكه‌ ئاوی زیاد له‌ پێداویستی لاشه‌ هه‌رزوو له‌لایه‌ن گورچیله‌وه‌ فڕێ‌ ده‌درێته‌ ده‌ره‌وه‌ ، له‌بری ئه‌وه‌ سه‌وزه‌ و میوه‌ به‌كاربهێنه.
7- خۆ دوور گرتن له‌خواردنه‌وه‌ی زۆری گیراوه‌ گازییه‌كان (ساردی ، شه‌ربه‌ته‌ دروست كراوه‌كان) ئه‌مانه‌ گه‌ده‌ ئازار ده‌ده‌ن و كرداری هه‌رس ده‌شێوێنن.
8- خواردنه‌وه‌ی سه‌هۆڵاو له‌ به‌ربانگدا پڕ مه‌ترسییه‌ چونكه‌ نه‌ك هه‌ر ئه‌وه‌ی كه‌ تیونێته‌ ناشكێنێت ، به‌ڵكو مولوله‌ی خوێنه‌كان گرژ ده‌كات و كرداری هه‌رس په‌ك ده‌خات ، بۆیه‌ پێویسته‌ ئاوه‌كه‌ كه‌مێك سارد بێت و به‌له‌سه‌رخۆی بخورێته‌وه‌، نه‌ك به‌یه‌ك جار.
9- له‌و خواردنانه‌ی بۆ تینوێتی باشن : ئاوی لیمۆ، عه‌ره‌ق سوس ، ته‌مه‌ر هندی به‌ شه‌ربه‌ت ، سه‌وزه‌و میوه‌ به‌ گشتی و قه‌یسی به‌تایبه‌تی.

سه رچاوه سایتی سه نکۆلێکشن...

دواترین جار ده‌ستكاری كراوه‌ له‌لایه‌ن Ahmad hawlery (2012-07-24 12:54:11)