ئه‌كادیمای كوردی تیشك ده‌خاته‌ سه‌ر ژیان و به‌رهه‌مه‌كانی یه‌ڵماز گۆنای



په‌سار فایه‌ق/ هه‌ولێر- له‌ ئێواره‌ كۆرِێكدا له‌ ئه‌كادیمای كوردی، تیشك ده‌خرێته‌ سه‌ر ژیان و به‌رهه‌می سینه‌ماكاری كورد یه‌لماز گۆنای.

له‌م ئێواره‌ كۆرِه‌ هونه‌رییه‌دا، د.ئیبراهیم مه‌حموود بابه‌تێك له‌باره‌ی گۆنای پێشكه‌ش ده‌كات، تیایدا باس ژیان و كاری سینه‌مایی ئه‌و سینه‌ماكاره‌ كورده‌ ده‌كات كه‌ زۆرێك له‌ سینه‌ماكاره‌ كورده‌كان كاره‌كانی ئه‌و بۆ ده‌ستپێكی سینه‌مای كوردی ده‌گرِێننه‌وه‌.

ئه‌م چالاكییه‌ كه‌ ئه‌كادیمیای كوردی سازی ده‌كات، كاتژمێر پێنجی ئێواره‌ی سبه‌ی چوارشه‌ممه‌ (13 نیسان/ ئه‌پرێل 2011) له‌ هۆڵی مه‌لا مه‌حموودی بایه‌زیدی له‌ ناو ئه‌كادیمیا له‌ هه‌ولێر به‌رِێوه‌ ده‌چێت.

گۆنای ئه‌كته‌ر و ده‌رهێنه‌ری بواری سینه‌ما، له‌ چه‌ندین فیلمی سینه‌ماییدا كاری كردووه‌ و دیارترین فیلمیشی به‌ناوی "یۆل-رێگا"یه‌.



peyamner