چۆنیه‌تی‌ دروستكردنی‌ پیتزا‌و ناوه‌خنكردنی‌ لێواره‌كانی‌ به‌گۆشتی‌ مریشك



كه‌ره‌سته‌كان بۆ پیتزاكه


• سنگی‌ مریشكێك.

• گۆشتی‌ وردكراو.

• یه‌ك كوپ په‌نیری‌ وردكراو.

• دوو سه‌لك ته‌ماته‌.

• یه‌ك سه‌لك پیاز.

• یه‌ك بیبه‌ری‌ شیرین.

• یه‌ك بیبه‌ری‌ تونی‌ بچوك.

• چاره‌كه‌ كوپێك زه‌یتونی‌ ره‌ش یان سه‌وز.

• یه‌ك كه‌وچكی‌ چێشت رۆن.

• یه‌ك كه‌وچكی‌ چا سیری‌ هاڕدراو

• یه‌ك كه‌وچكی‌ چا خوێ‌.

• نیو كوپ گیراوه‌ی‌ پیتزای‌ دروستكراوی‌ ماڵه‌وه‌ یان بازاڕ (له‌خواره‌وه‌ باس له‌دروستكردنی‌ گیراووه‌كه‌ ده‌كه‌ین).


دروستكردنی‌ گیراوه‌كه‌:


دوو كه‌وچكی‌ قاوه‌ دۆشاوی‌ ته‌ماته‌، تۆزێك خۆێ‌، ئاڵات‌و بیبه‌ری‌ تون به‌پێی‌ ئاره‌زوو، نیو كوپ ئاو.


ئاماده‌كردنی‌ هه‌ویری‌ پیتزاكه‌:

كه‌ره‌سته‌كان:


سێ كوپ ئارد، یه‌ك كوپ شیرری‌ گیراوه‌، چاره‌كه‌ كوپێك ئاو، كه‌وچكێكی‌ قاوه‌ شه‌كر، كه‌وچكێكی‌ چا پیكن پاوده‌ر، یه‌ك

كه‌وچكی‌ چا خوێ‌، یه‌ك كه‌وچكی‌ قاوه‌ خومره‌، سێ‌ كه‌وچكی‌ چێشت رۆنی‌ زه‌ یت.

دروستكردنی‌ هه‌ویری‌ پیتزاكه‌:


• خومره‌كه‌ له‌ ناو ئاوه‌كه‌دا ده‌توێنینه‌وه‌ بۆ ماوه‌ی پێنج ده‌قه‌یه‌ك.

• ئارده‌كه‌و خوێ و شه‌كره‌كه‌و پیكن پاوده‌ره‌كه‌ تێكه‌ڵ ده‌كه‌ین و ڕۆنه‌كه‌ ده‌كه‌ینه‌ ناوی و ده‌یانشێلین پێكه‌وه‌.

• پاشان خومره‌ تواوه‌كه‌و شیره‌كه‌ی ورده‌ ورده‌ ده‌كه‌ینه‌ ناو هه‌ویره‌كه‌و جوان ده‌یشێلین تا هه‌ویرێكی نه‌رم و باشمان ده‌ست

ده‌كه‌وێت و بۆ ماوه‌ی سه‌عاتێك له‌ شوێنێكی گه‌رم داده‌نرێت تا هه‌ڵدێت.

دروستكردنی‌ پیتزاكه‌:




[align=center]* سنگی مریشكه‌كه‌ جوان وورد ده‌كه‌ین و سیره‌كه‌و بیبه‌ره‌ تونه‌كه‌و تۆزیك خوێ و نیو كه‌وچك له‌ ڕۆنه‌كه‌ی

ده‌كرێته‌ سه‌رو جوان تێكیده‌ده‌ین

* پاشان گۆشتی مریشكه‌كه‌ دێنین له‌و كه‌مه‌ ڕۆنه‌ی كه‌ماوه‌ سوری ده‌كه‌ینه‌وه‌.

* ته‌ماته‌‌و بیبه‌ر‌و پیازه‌كه‌ به‌ ئه‌ڵقه‌یی یان به‌ پێی ئاره‌زوو وورد ده‌كه‌ین.




هه‌ویره‌ هه‌ڵاته‌كه‌ دێنین و پانی ده‌كه‌ینه‌وه‌ له‌سه‌ر سینی‌ به‌ ئه‌ندازه‌ی 1سم به‌رز بێت






* بڵاوكردنه‌وه‌و دانانی‌ سنگی‌ مریشكه‌كه‌ له‌لێواری‌ هه‌ویه‌ره‌كه‌دا




* داپۆشینی‌ ناوه‌خنی‌ لێواری‌ هه‌ویره‌كه‌ به‌جوانی‌



* چه‌وركردنی‌ ناوه‌راستی‌ هه‌ویره‌كه‌ به‌هه‌ندێك گیراوه‌ی‌ پیتزاكه‌



* گۆشته‌كه‌ سورده‌كه‌ینه‌و ده‌یكه‌ینه‌ سه‌ری‌.



* ته‌ماته‌وبیبه‌ر‌و پیازه‌ وورد كراوه‌كه‌ چین چین داده‌نێن و زه‌یتونه‌كه‌ی
ده‌كه‌ینه‌سه‌ر.



* پاشان په‌نیره‌كه‌ی‌ ده‌كه‌ینه‌ سه‌رو ئاماده‌یه‌ بۆ ناو فڕن



ئه‌مه‌ش شێوه‌ی‌ كۆتایی پیتزاكه‌








ماڵی كوردان

شوشه‌



به‌هیوام به‌دڵتان بێت