ووته‌ی په‌ند ئامێز
   *  داواکردن هانده‌ری مرۆڤه‌ بۆ ئیمان، کۆبوونه‌وه‌ی ئیمان و داواکردن پێکه‌وه‌ش به‌رووبومه‌که‌ی کاری چاکه‌یه‌.

   *  گومانی چاک بردن به‌خوا هانده‌ری مرۆڤه‌ بۆ ملکه‌چی و  زه‌لیلیه‌ بۆخوا، کۆبوونه‌وه‌ی ئه‌ودووه‌ش پێکه‌وه‌، به‌رووبوومه‌که‌ی وه‌ڵامدانه‌وه‌ی به‌نده‌کانه‌ له‌لایه‌ن خواوه‌.

   *  له‌خوا ترسان هانده‌ری مرۆڤه‌ بۆ خۆشه‌ویستی خوای، کۆبوونه‌وه‌ی له‌ خواترسان و خۆشه‌ویستی پێکه‌وه‌، به‌رووبومه‌که‌ی گوێرایه‌ڵی فه‌رمانه‌کانی خوایه‌و خۆ پاراستنه‌ له‌ قه‌ده‌غه‌کراوه‌کانی.

   *  خۆراگرتن هانده‌ری مرۆڤه‌ بۆ یه‌قین ئه‌گه‌ر خۆڕاگرتن و یه‌قین پێکه‌وه‌ کۆبونه‌وه‌، به‌رووبوومه‌که‌ی ئه‌وه‌یه‌ مرۆڤ له‌دیندا ده‌کات ب پێشه‌وا.

   *  شوێنکه‌وتنی پێغه‌مبه‌ر (د.خ) هانده‌ره‌ بۆ ئیخلاص، جا ئه‌گه‌ر هه‌ردووکیان پێکه‌وه‌ کۆبوونه‌وه‌، به‌رووبومه‌که‌ی ئه‌وه‌یه‌ کارو کرده‌وه‌کانی له‌لای خوا قبووڵ ده‌بێت.

   *  کارکردن هانده‌ره‌ بۆ زانست، جائه‌گه‌ر کارکردن و زانست پێکه‌وه کۆبۆوه‌‌‌، ئه‌وه‌ به‌خته‌وه‌ری و سه‌رفرازی تیا دایه، به‌ڵام ئه‌گه‌ر یه‌کیان ئه‌وی تری‌ له‌گه‌ڵدا نه‌بوو ئه‌وه هیچ‌ سوودی نیه‌.

   *  ئارامگرت هانده‌ره‌ بۆزانست، ، جائه‌گه‌ر ئارامگرتن و زانست پێکه‌وه کۆبۆ‌وه‌‌، مرۆڤ سه‌ربه‌رزی دنیا و قیامه‌تی ده‌ست ده‌که‌وێ، سوود له‌ هه‌موو زانستێک وه‌رده‌گرێ، به‌ڵام ئه‌گه‌ر یه‌کیان یه‌کیان ئه‌ویتری له‌گه‌ڵدانه‌بوو ئه‌وه‌ سوودی نامێنێ.

   *  عه‌زیمه‌ت هانده‌ره‌ بۆ چاوساغی، ئه‌گه‌ر مرۆڤ عه‌زیمه‌ت و چاوساغی تیا کۆبۆوه‌، ئه‌وه‌ خاوه‌نه‌که‌ی چاکه‌ی دنیاو  دوارۆژی به‌ده‌ست ده‌هێنێت، جا دواکه‌وتنی مرۆڤ له‌کامل بوون ، یان ئه‌‌وتا چاو ساغ نیه‌، یان ئه‌وه‌تا عه‌زیمه‌تی نیه‌.

   *  نیه‌ت چاکی هانده‌ری مرۆڤه‌ بۆ چاکی زه‌ین و بیری جا ئه‌گه‌ر ئه‌م دووانه‌ی له‌ده‌ست چوو ئه‌وه‌ هه‌موو خێرێکی له‌ده‌ست ده‌چێت، به‌ڵام ئه‌گه‌ر پێکه‌وه‌ش کۆبۆوه‌، ئه‌وه‌ به‌رووبومی هه‌موو خێرو چاکه‌یه‌که‌.

   *  بۆچوونی چاک هانده‌ری جوامێریه‌، جا ئه‌گه‌ر ئه‌م دووانه‌ پێکه‌وه‌ کۆبوونه‌وه‌، ئه‌وه‌ سه‌رکه‌وتن و سه‌رفرازی به‌ مرۆڤ ده‌به‌خشن، ئه‌گه‌ر هه‌ردووکیشی له‌ده‌ست چوو ئه‌وه‌ تووشی سه‌رشۆڕی و دۆڕان ده‌بێت، به‌ڵام ئه‌گه‌رمرۆڤ بۆچوونی هه‌بوو به‌بێ جوامێری، ئه‌وه‌ ترسنۆکی و بێتواناییه‌، ئه‌گه‌ر جوامێریشی هه‌بوو بۆچوونی نه‌بوو، ئه‌وه‌ رووخان و هێنانیه‌تی.

   *  ئارام گرتن هانده‌ره‌ بۆ چاوساغی ، جا ئه‌گه‌ر هه‌ر دووکیان پێکه‌وه‌ کۆبوونه‌وه‌، ئه‌وه‌ خێرێکی زۆری تیایه‌.

   *   ئامۆژگاری هانده‌ره‌ بۆ به‌هێز بوونی عه‌قڵ، جا هه‌ر کاتێک ئامۆژگاریه‌که‌ به‌هێز بێت، ئه‌وه‌زیاتر عه‌قڵ به‌هێز ده‌بێت و ده‌دره‌وشێته‌وه‌.

   *  یادکردنه‌وه‌و بیرکردنه‌وه‌ هه‌ر یه‌کیان هانده‌ری یه‌کترین، جا ئه‌گه‌ر پێکه‌وه‌ کۆ بوونه‌وه‌ ، به‌رووبومه‌که‌ی پشت هه‌ڵکردنه‌ له‌دنیاو ڕووکردنه‌ دواڕۆژه‌.

    *  ته‌قوا هانده‌ره‌ بۆ ته‌وه‌کول ، ئه‌گه‌ر ته‌قواو ته‌وه‌کول پێکه‌وه‌ کۆبوونه‌وه‌ ئه‌وه‌دڵ جێگیر ده‌بێت.

        *  هانده‌ری ئاماده‌گی دڵ په‌یوه‌ست نه‌بوونه‌ به‌ دنیا، ئه‌گه‌ر هه‌ردووکیان پێکه‌وه‌ کۆبوونه‌وه‌، ئه‌وه‌ هه‌موو خێرو چاکه‌یه‌کی پێوه‌یه‌، به‌ڵام ئه‌گه‌ر لێک جیا بوونه‌وه‌ ئه‌وه‌ شه‌رو خراپه‌ی پێوه‌یه‌.
   
       *  نیه‌تی ساغ و پاک هانده‌ره‌ بۆ هیمه‌تی به‌رز ، ئه‌گه‌ر ئه‌م دووانه‌ پێکه‌وه‌ کۆ بوونه‌وه‌، ئه‌وه‌ به‌نده‌ ده‌گات به‌ ئامانجی خۆی.
***************************************************************************************
ئاماده‌کردنی: موسلیم غه‌مگین
سه‌رچاوه‌(الفوائد - ئاوێته‌ی دڵ) که‌ هی (ابن قیم الجوزیه‌)یه‌ و(ره‌حمه‌تی خوای لێبت) ‌له ‌وه‌رگێرانی (م. فه‌رمان عزیز نه‌جار) ه‌.