یه‌كێتی‌ تۆپی‌ پێی‌ ئه‌وروپا بڕیاریدا ریاڵ مایۆركا له‌خولی‌ ئه‌وروپا دوربخاته‌وه‌ له‌ جێگه‌ی‌ یانه‌ی‌ ڤیاریاڵ به‌شداری‌ پێبكات.
سایتی‌ تایبه‌ت به‌ یانه‌ی‌ ڤیاریاڵ ئیسپانی‌ بڵاویكرده‌وه‌، به‌هۆی‌ ئه‌و كێشه‌ داراییه‌ی‌ روو له‌ یانه‌ی‌ ریاڵ مایۆركا كردووه‌و قه‌رزێكی‌ زۆری‌ له‌سه‌ر كه‌ڵه‌كه‌ بووه‌و توانای‌ دانه‌وه‌ی‌ قه‌رزه‌كانی‌ نییه‌، یه‌كێتی‌ تۆپی‌ پێی‌ ئه‌وروپا بڕیاریدا ئه‌و یانه‌یه‌ له‌یارییه‌كانی‌ خولی‌ ئه‌وروقا له‌ وه‌رزی‌ داهاتوودا دوربخاته‌وه‌و یانه‌ی‌ ڤیاریاڵ له‌ جێگه‌ی‌ ئه‌و بخاته‌ نێو ئه‌و كێبڕكێیه‌وه‌.
ئه‌و یه‌كێتیه‌ ئه‌وه‌شی‌ ئاشكراكردووه‌، یانه‌ی‌ مایۆركا له‌ ئێستادا بڕی‌ 5 ملیۆن دۆلار قه‌رزاره‌.
ئه‌و بڕیاره‌ی‌ یه‌كێـتی‌ تۆپی‌ پێی‌ ئه‌وروپا، به‌رپرسانی‌ ئه‌و یانه‌ ئیسپانییه‌ی‌ بێزاركردووه‌ رایانگه‌یاندووه‌، ئه‌وان پێداچوونه‌وه‌ به‌و بڕیاره‌دا ده‌كه‌ن و سه‌رجه‌م ڕێگا یاساییه‌كان بۆ لابردنی‌ ئه‌و زوڵمه‌ له‌سه‌ریان ده‌گرنه‌ به‌ر.
میكیل لاودروپی‌ سه‌رۆكی‌ نوێی‌ یانه‌ی‌ مایۆركا رایگه‌یاند، چه‌ندین یانه‌ هه‌ن كه‌ به‌ده‌ست كێشه‌ی‌ دارایی‌ و قه‌رزه‌ كه‌ڵًه‌كه‌ بووه‌كانیانه‌وه‌ ده‌ناڵێنن، له‌ خولی‌ یانه‌ پاڵه‌وانه‌كانی‌ ئه‌وروپاش یان خولی‌ ئه‌وروپادا یاریده‌كه‌ن.


خه‌ندان ـ