كه‌ركوك‌
سڵاو له‌ خاكی‌ دێرینت‌ كه‌ركوكی‌ دوژمن‌ به‌زێنم‌
سڵاو له‌ ‌ناوی‌ شیرینت‌ به‌وره‌كه‌ی دوژمن‌ تۆقێنم
ئه‌ی كۆرپه‌ی‌ گیانی‌ ئه‌و‌ دایكه‌ی‌ سه‌دان‌ ساڵه‌ ‌له‌ دوتوێی‌دا
له‌گه‌ڵ‌ هه‌موو‌ ژانێكی‌ نوێ‌ ڕۆحێكی‌ خۆی‌ له‌گه‌ڵ‌ ده‌دا
ئه‌ی ‌ئه‌و‌ باسكه‌ پۆڵایینه‌ی‌ له‌‌شه‌وی‌ تاری‌ گیانبازی‌
یه‌ك‌ شوعله‌ی به‌رزی‌ باوه‌ری بۆ‌ ژیانی‌ سه‌رفرازی‌
تۆ‌ له‌ مێژه نه‌وه‌كانت‌ سوێندیان‌ به‌ بسكت‌ خواردوه‌
بۆ‌ گه‌ڕانه‌وه‌ت‌ ‌ته‌لیسمی‌ ‌‌ترسی‌ڕۆحیان‌ شكاندووه
پیرۆزی‌ تۆ‌ به‌ها تره‌ له‌ قودس‌و‌ دڵ‌و‌ رۆح‌ هه‌مووی
هه‌موو‌ جه‌سته‌‌ی‌ نیشتیمانی‌ غه‌می‌ دڵی‌ كه‌ڵه‌كه‌‌بووی
تۆ‌ ‌په‌ڕه‌ی‌ یه‌كه‌م‌و‌كۆتای‌ مێژووی‌ ‌‌‌دوورت تیا نووسراوه‌
سێ پیتی‌ ناوت له‌خودی‌ ووشه‌ی‌ (كورد)ا هه‌ڵكه‌نراوه
چۆن‌ ده‌كرێ‌ زمان‌ بجوڵێ‌ و ساتێ دڵ لێنه‌دا‌ بۆ تۆ‌
چۆن‌ نێرگز‌ بێ ‌چاوه‌كانت‌ ده‌كرێ‌ بگرێ گوڵ‌و‌ چرۆ‌
به‌كر‌حه‌بیب