ماڵپه‌ڕی کـوردژیـن

به‌شه‌کانی ماڵپه‌ڕ

New Page 1

سه‌رسورهێنه‌ره‌کانی جیهان‌

کوردژین لۆگۆ

چا‌ته کوردیه‌کان

‌قـورئانی پیرۆز‌

مه‌ڵپه‌ری شیفا‌

فێربوونی نوێژکردن‌

نوکته‌و پێکه‌نین‌

دروستکردنی خوارد‌ن‌

جوانکاری‌

جل‌و به‌رگی مۆده‌‌

مۆدیلات‌

‌کارتۆنی کوردی

‌نــاوی کــوردی‌

ئه‌لف‌ و بێ‌ی کوردی

چیرۆک

ئۆکسفۆرد‌

چه‌ند وێنه‌ شعرێک بۆ ئه‌لبومی ئاشقان......(هۆنراوه‌)

چه‌ند وێنه‌ شعرێک بۆ ئه‌لبومی ئاشقان

نوسینی .. جه‌وهه‌ر میراوده‌لی

1-- گوڵه‌کان ئه‌یانه‌وێ بتناسن

تا که‌مێك له‌ جوانی خۆتیان پێبده‌ی.

ئاسمانیش ئه‌یه‌وێ بتناسێ

بۆئه‌وه‌ی بتکات به‌ئه‌ستێره‌یه‌کی خۆی..

2-- پرسیاره‌کانت ولات به‌ ولات

به‌دوای ونبونی منا ئه‌گه‌رێن.

گه‌رسه‌رێ بکه‌ی به‌ماڵی ئه‌شقا

جێگاو شوێنی منت پێئه‌ڵێن ..

3-- گوڵه‌که‌م ئیتر مه‌ڵێ من ته‌نهام

رۆحی من ئێستا ، له‌ناو رۆحتایه‌ .

منیش له‌مه‌ودوا ، هه‌رگیز غه‌ریب نیم

دڵی تۆ بۆمن وه‌ک ولات وایه‌..

4-- من دڵ و ، رۆحم به‌تۆ سپاردوه‌

ئه‌ی تۆ ، من به‌چی ئه‌سپێری.

تاکه‌ی ئه‌بێ چاوه‌روانبم

که‌ی ته‌نهایتم بۆ ئه‌نێری..

5-- باسی چی ئه‌که‌ی باسی دڵ مه‌که‌

پینکۆدی دڵمم له‌بیر چۆته‌وه‌.

سه‌د ده‌رگای پۆڵای له‌سه‌ر داخرواوه‌و

ته‌نها به‌ده‌ستی تۆ ئه‌کرێته‌وه‌ ..

6- جاران دره‌ختێکی زه‌ردی پایز بووم

به‌هاری ئه‌شقت سه‌وزی کردمه‌وه‌.

به‌ڵێن بێت منیش تا له‌ژیانابم

ته‌نها ، ته‌نهایی تۆبنوسمه‌وه‌ ..

7-- ناسکترین وشه‌ له‌ شعرەکانما

ناوی تۆی گوڵە خواش ئه‌یزانێ.

گه‌وره‌ترین سوێندم به‌ ئه‌شقی تۆیه‌

که‌چێ ئه‌شقی تۆش من ئه‌سوتێنێ ..

8-- تۆ لێوی ته‌ڕی باران و

من هه‌ناسه‌ی گه‌رمی هه‌ورم .

ئه‌ترسم به‌دیار چاوه‌روانی تۆوه‌

به‌رگه‌ نه‌گرم و ، له‌ غوربه‌ت بمرم ..

9-- نامه‌یه‌کم به‌ڕێوه‌یه‌

شعێکی پڕ غوربه‌تی بۆتهێناوه‌.

ئه‌وشه‌و به‌خه‌ون له‌لای تۆ بوم

دلم له‌ ژوره‌که‌ت به‌جێماوه‌ ..

10 -- ئازیزه‌که‌م که‌میکی تر

بۆ فه‌رمانگه‌ ئه‌که‌ویه‌ رێ .

که‌ جانتاکه‌ت کرده‌ شانت

ئاگادار به‌ دڵی منت له‌بیر نه‌چێ...

تایبه‌ت به‌ کوردژین