* قەناعەت بە خۆت بکە کە هەرکێشەک ڕێگا چارەى بۆ دانراوە،تەنها دەبێت سەبرت هەبێت ڕێگا چارەى ڕاستى هەر کێشەیەک بە لێکۆڵینەوە و بەرنامە بۆدانان بدۆزیتەوە.
* پێش هەر کارێک لە بارەى چۆنیەتى و ئەنجامەکەى بیر بکەرەوە زۆر کەس لەبەر ئەوە توشى ئازار دەبن چونکە بە پەلە دەکەونە ژێر کاریگەرى سۆزەوە،چرکەیەک لێهاتوى دەرنابڕن بۆ لە ناو بردنى کێشەکانیان بە ڕێگایەکى ئاقڵانە بە هۆى کێشەى سۆزداریەوە دەست ئەداتە هەنگاوى عەجولانەو پاشان پەنجەى پەشیمانى دەگەزێت.
* چەند دەتوانى ژیان بە سادە بگرە و بەدەستى خۆت هۆى دەردە سەرى و نیگەرانى دروست مەکە بۆ خۆت.
* کاتێک ڕۆژگار بەپێ ى پێویستى تۆ نەسوڕایەوە ئەفکارى گونجاو بەجێ بخەرە مێشکتەوە تا کاریگەرى ناڕەحەتى لە مێشکتدا بباتە دەرەوە چەند ئەتوانى سود لە پاکێتى خۆت وەرگرە.
* ئێمە ناتوانین دانیشتوانى هەموو جیهان لە خۆمان ڕازى بکەین ئەبێت هەمیشە چاوەڕوان بین کە هەندێک کەس ڕاست و پاک نەبن لە ژیاندا.
* هەمیشە لە یاددت بێت کە توانا یەک لە دەرونت شاراوەیە کە هاوکارى تۆ ئەکات بۆ چارەسەر کردنى تێکڕاى کێشەکانى ژیانت بەو مەرجەى هەست بەو توانایە بکەیت .
* کێشەکانى خۆت باس بکە بۆ کەسێکى دڵسۆز کە بتوانێت هاوکاریت بکات .
* ڕێژەى سەرکەوتنت لە زاڵبونت بەسەر ئازارەکاندا بستراوەتەوە بەوەى کە تاچەند ڕێگەى سەرکەوتن بەسەر سۆزى خۆت دۆزیوەتەوە.
* لە ژیاندا زیاد ماڵ پەرست مەبە چونکە چاوەڕوانى زیاد لە خۆت و خەڵکانى تریش ئەکەین زۆر جاریش لەم کاتەدا ڕووبەڕووى شکست بوون دبیتەوە.
* پێش ئەوەى شکست و ئازارەکانى خۆت بخیتە ئەستۆى خەڵکیەوە لە خۆت بپرسە ئایا من ڕەفتارى نەرمم هەیە!
* لە برى ئەوەى لە هەڵبژاردنى کارێک بۆ کێشەیەک بەردەوام ڕابگۆڕین هەوڵبدە هۆى ترس و دوو دڵى خۆت بزانى.
* بۆ قەرەبوو کردنەوەى ئازارەکانى خۆت دەست بەرە کارێک کە چالاکى و ئارمیت پێ ببەخشێت .
* ئاقڵانەى هەنگاو نان بۆ پێشەوە چاکترە لە خواردنى خەمى بێهودە .
* گۆڕینى عادەت لە دەور و بەرى خۆت دەبێتە هۆى کەم کردنەوەى ئازارەکانت لە ژیانى ڕۆژانەتدا.
* بۆ سەرکەوتن بەسەر ئازارەکانتدا و پشت لێ کردنیان پەنا بردن بۆ خواردنەوە نەک تەنها هیچ کاریگەرى نیە بەڵکو بەردەوام لە ناڕەحەتیەکانت هەستى تاوانبارى ئەخاتە دەرونتانەوە.
* کاتێک هەست بە ئازار دەکەیت لەو بڕوایەداى کە بەرپرسى ئازارەکانت کەسێکى ترە،بەخۆت بڵێ هیچ کەس نابێتە هۆى بەدبەختى کەسێکى تر هەر کات بەڕاستى لە ڕاستیەکان بکۆڵینەوە ئەبینین بەرپرسى بەدبەختى هەرکەس تەنها خــۆیــەتــــى.

             هێمن ئیلنجاغــى