په‌یوه‌ندی نێوان(بن لادن، قه‌زافی ، کورد، ئه‌مریکا)
پێنج شەممە, 12 ئایار 2011 13:22

ئه‌م راپۆرته‌ی له‌ خواره‌وه‌ ئاماژه‌ی پێئه‌ده‌م ره‌نگه‌ جیاواز بێت له‌ هه‌ندێک بیروبۆچوون به‌ڵام به‌ ڕای من له‌ هه‌موو بۆچونه‌کان په‌سه‌ندتره‌ چه‌ند لایه‌نێکی مه‌نتقی تیادا به‌دی ئه‌کرێت که‌ تایبه‌ته‌ به‌و باسانه‌ی که‌ پێشتر له‌ ماڵپه‌ری کوردژین بڵاومان کرده‌وه‌ ده‌رباره‌ی کوشتنی بن لادن و که‌م بونه‌وه‌ی بینه‌ری که‌ناڵی جه‌زیره‌ و شێخ قه‌ره‌ضاوی..

ئه‌وه‌ی له‌م راپۆرته‌دا هاتووه‌ شایانی سه‌یرکردنه‌.

بۆ ئه‌وه‌ی له‌م جیهانه‌ی تیایدا ئه‌ژین و له‌م ووڵاته‌ی تیایداین بگه‌ین ئه‌م بابه‌ته‌ بخوێنه‌ره‌وه‌ هه‌موو دێڕێکی زانیاریه‌کی سیاسی نوێت پێئه‌دات و ئه‌گه‌یته‌ ده‌رئه‌نجامی هۆکاری ئه‌وه‌ی به‌سه‌ر بارودۆخی کوردستاندا هاتووه‌.

شتیکی گرنگ هه‌یه‌ لێره‌دا که‌ باس له‌ ئێران ناکه‌ین له‌گه‌ڵ ئه‌وه‌ی ئێران کۆنترۆلی سیاسه‌تی ئه‌مریکی کردووه‌ له‌ رۆژهه‌ڵاتی ناوه‌راست و ووڵاتانی که‌نداو.

 

ترسناکترین ستراتیجیه‌تی وڵاته‌ یه‌کگرتوه‌کانی ئه‌مریکا: شۆرشه‌ عه‌ره‌بیه‌کانی ئه‌م دواییه‌ و په‌یوه‌ندیان به‌ کوشتنی کوری قه‌زافی و درامای بن لادن!!:

 

فیدراله‌یه‌تی برایه‌تی جیهانی IFB  که‌ رێخراویکی نهینیه‌ له‌ ئه‌مریکا و کۆنترۆلی هه‌موو جیهانی کردووه‌ چونکه‌ کۆنترۆلی سه‌رکرده‌ ئه‌مریکیه‌کان و زۆربه‌ی ده‌وڵه‌ته‌ رۆژئاواییه‌کان ئه‌کات، له‌ ناو ئه‌م رێکخراوه‌دا 2 بزوتنه‌وه‌ هه‌یه‌ که‌ بزوتنه‌وه‌ی یه‌که‌م ئاشتیخوازن به‌رامبه‌ر توندوتیژیه‌کانی بزوتنه‌وه‌ی دووهه‌می شه‌ره‌نگیخواز ئه‌وه‌ستن ، بزوتنه‌وه‌ی یه‌که‌م هه‌وڵی فه‌رز کردنی سیاسه‌تی له‌ناوبردنی شه‌ر و کوشتار ئه‌ده‌ن له‌ ووڵاته‌کانی رۆژهه‌ڵاتی ناوه‌راست که‌ بزوتنه‌وه‌ی دووه‌م به‌ پاساوی بونی قاعیده‌ و ئیسلامیه‌ توندره‌وه‌کان پێچه‌وانه‌ی ئه‌مانن، که‌ خۆی له‌ خۆیدا قاعده‌ له‌ لایه‌ن ئه‌مریکاوه‌ هاوکاری ئه‌کرێت!

 

پێش ماوه‌یه‌ک بزوتنه‌وه‌ی دووهه‌م (توندوتیژکاره‌کان) که‌ زۆرینه‌ی ئه‌ندامانی رێکخراوه‌که‌ن سیاسه‌تی خۆیان گۆڕی وه‌ک بڵێین بێزاربوون له‌و سیاسه‌ته‌ کۆنه‌ به‌ پاساو هێنانه‌وه‌ و نه‌هێشتنی سه‌رهه‌ڵدانی ده‌نگی ئازاد و شۆڕش له‌ پێناویدا. ورده‌ ورده‌ پرۆژه‌ی بزوتنه‌وه‌که‌ی تری ناو ڕێکخراوه‌که‌یان له‌لا په‌سه‌ند بوو که‌ بانگه‌وازی ستراتیجیه‌تێکی نوێیان ئه‌کرد به‌ پشتگیری کردنی ده‌نگی داوای دیموکراتی هاولاتیانی ئه‌و ناوچانه‌.

ئه‌و شکسته‌ ئابوریه‌ی ئه‌مریکا به‌ ده‌ستیه‌وه‌ ئه‌یناڵێنێت وه‌ گه‌شه‌کردنی مه‌ترسی چینی_ روسی ، له‌لایه‌نی ئابوری و سه‌ربازی ، هۆکارێکی گرنگ بوو بۆ ئه‌وه‌ی بزوتنه‌وه‌ی دووه‌م به‌ پرۆژه‌کانی بزوتنه‌وه‌ی یه‌که‌م ره‌زامه‌ند ببن . بۆ ئه‌وه‌ی هاوڵاتیانی رۆژهه‌ڵاتی ناوه‌ڕاست وه‌ وڵاته‌ عه‌ره‌بیه‌ موسڵمانه‌کان بۆ خۆیان رابکێشن و له‌ پاڵ ئه‌مریکادا ببن.

هه‌ڵبژاردنی (باراک ئۆباما )  وه‌ک سه‌رۆک سوتفه‌ نه‌بوو به‌ڵکو هه‌نگاوێکی سه‌ره‌تایی بوو بۆ ئه‌م سیاسه‌ته‌ نوێیه‌ ئه‌مه‌ش بۆ ئه‌وه‌ی کاریگه‌ری له‌ مرۆڤایه‌تی جیهانی سێیه‌م بکه‌ن_عه‌ره‌ب و موسڵمان_. وه‌ک ئه‌زانین ئۆباما نیوه‌ی ئه‌فریقیه‌ و ئیسلامه‌ وه‌ ناوی باپیره‌ گه‌وره‌ی (باراک حسین) ه‌ ، وه‌ گوتاره‌ به‌ناوبانگه‌که‌ی له‌ قاهیره‌ له‌ 6_4_2009 دا ڕێکلامێک بوو بۆ ده‌ستپێکردنیان به‌ سیاسه‌تی نوێ له‌ ووڵاته‌ عه‌ره‌بیه‌کان و رۆژهه‌ڵاتی ناوه‌ڕاست.  واته‌ کرۆکی سیاسه‌ته‌ نوێیه‌کان به‌ کورتی : سه‌پاندنی ئه‌وه‌ی سه‌رکه‌وتوبون له‌ سه‌پاندنی له‌ ئه‌وروپای رۆژهه‌ڵات له‌ دوای کۆتای هاتنی ئیتحادی سۆڤیه‌ت. واته‌ کردنیان به‌ ده‌وڵه‌تێکی دیموکراسی لیبراڵی که‌ به‌ژدارن له‌لایه‌نی سه‌ربازی ئه‌مریکا به‌ هه‌رشێوه‌یه‌ک له‌ شێوه‌کان.

نمونه‌ی ووڵاتی تورکیا : ئه‌م ووڵاته‌ سه‌رکرده‌کانی ئیسلامن و دیموکراسیخوازن به‌ڵام سه‌ربازه‌کانی له‌گه‌ڵ ئه‌مریکادا هاوپه‌یمانن وه‌ هه‌روه‌ها هاوپه‌یمانن له‌ ئه‌ندامێتی حلفی ئه‌تڵه‌سی.

واته‌ که‌م کردنه‌وه‌ی سه‌رباز و کاری توندوتیژی و پشتبه‌ستن له‌بری ئه‌وه‌ به‌ هێزه‌ ئه‌منیه‌کان و هێزه‌ نهێنیه‌کان به‌م جۆره‌ش رۆشنبیری و  شه‌عبه‌یه‌تی خۆیان ئه‌پارێزن.

بۆیه‌ خاڵی ناوه‌رۆکی باسه‌که‌ی ئێمه‌ بریتیه‌ له‌ سه‌ندنه‌وه‌ی ئه‌و هاوکاریه‌ نهێنیه‌ی که‌ ئه‌مریکا ئه‌یدا به‌ قاعده‌ و بزوتنه‌وه‌ ئیسلامیه‌ چه‌کداره‌کان، وه‌ به‌رامبه‌ربه‌مه‌ش پشتگیریکردن له‌ بزوتنه‌وه‌ ئاشتیخوازه‌کانی ئه‌م ووڵاتانه‌ که‌ داوای ئازادی و دیموکراسیه‌ت و گۆڕانی سیاسی ئه‌که‌ن. ئه‌مه‌ش به‌ هاوپه‌یمانێتی له‌گه‌ڵ وڵاتانی که‌نداو وه‌ سعودیه‌ و تورکیا ، که‌ بزوتنه‌وه‌ ئیسلامیه‌کان به‌و جۆره‌ بجوڵێنرێن گوایه‌ داوای دیموکراتی ئه‌که‌ن و ئیسلامه‌کان داوای ئازادی و گۆڕان ئه‌که‌ن.

له‌لایه‌کی تریشه‌وه‌ به‌ڵێنیان له‌ ئیسرائیل و حکومه‌ته‌ هاوپه‌یمانه‌کان وه‌رگرتوه‌ که‌ ئاسایش بپارێزن.

ئه‌مریکا به‌م جۆره‌ بیری ئه‌کرده‌وه‌:

 

  1. ڕێکخراوه‌ دیموکراتیه‌ نوێیه‌کان ئه‌بێت رازی بن به‌ ئاشتی هه‌میشه‌یی له‌گه‌ڵ ئیسرائیل و ببێته‌ ئه‌ندام له‌ بازاری هاوبه‌شی عه‌ره‌ب. بێگومان له‌ولاشه‌وه‌ په‌ستان خراوه‌ته‌ سه‌ر ئیسرائیل که‌ رازی ببێت به‌و یارمه‌تیه‌ یان به‌ لایه‌نی که‌مه‌وه‌ بێده‌نگ بێت له‌وه‌ی چی رووئه‌دات له‌و گۆرانه‌ی به‌سه‌ر دیموکراسیه‌تی ئه‌و ووڵاته‌ عه‌ره‌بیانه‌دا دێت. چونکه‌ ئه‌زانین که‌ له‌ ئیسرائیل هه‌ندێک لایه‌ن هه‌ن به‌ هه‌موو شێوه‌یه‌ی به‌رپه‌رچی ئه‌وه‌ ئه‌ده‌نه‌وه‌ که‌ دیموکراسیه‌ت هه‌بێت له‌م ده‌وڵه‌تانه‌دا به‌ڵکو ئه‌یانه‌وێت هه‌موو ده‌وڵه‌ته‌ عه‌ره‌بیه‌کان بیابانێکی دیکتاتۆری ئاژاوه‌گێری ئیسلامی دواکه‌وتوو بن.

 

  1. گره‌نتی ئه‌وه‌یان کرد که‌ سه‌لامه‌تی حکومه‌ته‌ هاوپه‌یمانه‌کان بپارێزن که‌ یارمه‌تیاندان له‌م پرۆژه‌یه‌دا، وه‌کو سعودیه‌ و ئیمارات و ووڵاتانی که‌نداو و مه‌غریب وه‌ سه‌رکوت کردنی هه‌ر هه‌وڵدانێک له‌لایه‌ن دانیشتوانی ئه‌و ووڵاتانه‌ بۆ داواکردنی ئازادی و هه‌ستان به‌ شۆڕش هه‌روه‌ک ئه‌وه‌ی له‌ به‌حره‌ین رویدا و بێده‌نگی ڕێکخراوه‌کان و ئه‌مریکا له‌و وتوندوتیژیه‌ی که‌ حکومه‌تی ئه‌و وڵاته‌ به‌رامبه‌ر به‌ هاوڵاتیانی به‌کاری ئه‌هینێت.. وه‌ سه‌باره‌ت به‌ مه‌غریب ئه‌وه‌ بوو هه‌ر له‌سه‌ره‌تای شۆڕشه‌ عه‌ره‌بیه‌کان حکومه‌تی ئه‌و ووڵاته‌ خۆی ته‌قینه‌وه‌یه‌کی کرد و قاعیده‌ی پێ تۆمه‌تبار کرد!

 

  1. گره‌نتیان کرد که‌ هێزی سه‌بازی ئه‌مریکی جێگیر له‌و ووڵاتانه‌ هه‌بێت بۆ ئه‌وه‌ی نزیک بن له‌ بارودۆخه‌که‌ و هه‌رکارێک دژ به‌ به‌رژه‌وه‌ندیه‌کانیان بێت سه‌رکوتی بکه‌ن. ئه‌وه‌تا هێزیان هه‌یه‌ له‌ عێراق وه‌ هه‌روه‌ها به‌ ئاسانی ئه‌توانن بچنه‌ لیبیاوه‌ به‌ هۆی ناهه‌مواری بارودۆخه‌وه‌ و بگره‌ دانیشتوانی لیبیا پێشوازی له‌ بوونی ئه‌و هێزانه‌ ئه‌که‌ن.

 

بۆ کۆتایی هێنان به‌ قاعیده‌ وه‌ یارمه‌تیدانی عه‌سکه‌ری (رۆبه‌رت گیتس ) هه‌ڵبژێردرا وه‌ک وه‌زیری به‌رگری ئه‌مریکا ، پێش هاتنی ئۆباما به‌ چه‌ند مانگێک وه‌ به‌هاتنی ئه‌میش ناوبراو به‌رده‌وام له‌گه‌ڵی مایه‌وه‌ ئه‌مه‌ش بۆ ئه‌وه‌ی چاودێری دوو شتی گرنگ بکات:

 یه‌که‌م: خۆی به‌ راسته‌وخۆیی چاودێری نه‌مانی مه‌له‌فی قاعیده‌ بکات ، له‌به‌ر ئه‌وه‌ی گیتس خۆی له‌و لایه‌نه‌ شاره‌زایه‌ وه‌ خۆی به‌ شه‌خسی چاودێری دروستکردنی قاعیده‌ی کردووه‌ به‌ یارمه‌تی له‌گه‌ڵ بن لادندا، هه‌ر ئه‌وکاته‌ی له‌ ساڵی نه‌وه‌ده‌کان به‌ڕێوبه‌رایه‌تی وه‌کاله‌تی موخابه‌راتی ئه‌مریکی ئه‌کرد.

وه‌ له‌م کاره‌ی سه‌رکه‌وتوو بوو تا له‌م دوو ساڵه‌ی دوایدا ئه‌و یارمه‌تیدانه‌ ئابوری و سه‌ربازی و موخابه‌راته‌یا که‌ به‌ نهێنی ئه‌یدا به‌ قاعیده‌ بڕیان و وه‌ستاندیان. ئه‌م سیناریۆیه‌ی ئێستا به‌ کوشتنی بنلادن ئه‌یگێرن ته‌نها بۆ کۆتایی هێنانه‌ به‌ مه‌له‌فی قاعیده‌. هه‌روه‌ک زۆربه‌مان ئه‌زانین که‌ بن لادن بونێکی سیاسی نه‌ماوه‌ چه‌ند سالێکه‌ ، وه‌ ئه‌م ڕێکخراوه‌ی سه‌ره‌وه‌ که‌ ئاماژه‌مان پێداوه‌ جارو بار چه‌ند به‌یان و راپۆرت و ووته‌یه‌کی بن لادنیان که‌ دوور بوون له‌ راستی بلاو ئه‌کرده‌وه‌ ته‌نها له‌به‌رده‌م راگه‌یاندنه‌کاندا ئه‌وه‌ش به‌ هاوکاری چه‌ند سه‌رکردایه‌تیه‌ک و هه‌روه‌ها به‌ یارمه‌تی که‌ناڵی جه‌زیره‌.

 

دووه‌م: چاودێری راسته‌وخۆی ناوبراو بۆ هه‌ماهه‌نگی له‌ نێوان سه‌رکردایه‌تیه‌ سه‌ربازی و ئه‌منیه‌کان له‌ ده‌وڵه‌ته‌ عه‌ره‌بیه‌ هاوپه‌یمانه‌کان وه‌کو میسر و تونس و یه‌مه‌ن ئه‌مه‌ش به‌ یارمه‌تی گۆڕانی سیاسی و ئاماده‌یی بۆ گۆڕانی دیموکراسیه‌ت له‌ ووڵاتانه‌.

به‌ڵام له‌ لایه‌نی سیاسی و حیزبیه‌وه‌ زۆر هه‌وڵیانداوه‌ بۆ تێگه‌یشتن له‌گه‌ڵ سه‌رکردایه‌تیه‌ عه‌ره‌به‌کان له‌ سه‌رکرده‌ی حیزبی و دینی و رۆشنبیری و راگه‌یاندنه‌کانیش ، به‌ شێوه‌یه‌کی راسته‌وخۆ یان ناراسته‌وخۆ له‌ڕێگای چه‌ند باره‌گایه‌کی ئه‌مریکی و ئه‌وروپی جیاوازه‌وه‌ ، بۆ ئه‌وه‌ی هانیانبده‌ن له‌ڕێگای لایه‌نی راگه‌یاندن و سیاسی و مادی بۆ هه‌ستان به‌م شۆڕشانه‌ و داوای دیموکراسیه‌ت له‌ ده‌وڵه‌ت عه‌ره‌به‌کان و له‌ رۆژهه‌ڵاتی ناوه‌ڕست.

ئه‌وه‌بوو ڕێکه‌وتن له‌گه‌ڵ که‌ناڵی ئاسمانی جه‌زیره‌ که‌ به‌م کاره‌ هه‌ستێ به‌ته‌واوی به‌ پشتیوانی راگه‌یاندنه‌ ئه‌مریکی و جیهانیه‌کانی تر.

 

 

په‌یوه‌ندی چیه‌ له‌ نێوان:

 

رۆبه‌رت گیتس و پانیتا بترایوس، وه‌ قه‌زافی و بن لادن؟

 

لێره‌دا پێویسته‌ دانبه‌وه‌دا بنرێت که‌ سیناریۆی کوشتنی بن لادن زۆر ورده‌کاری تیادا نه‌بوو وه‌ پڕ بوو له‌ که‌موکورتی و به‌تایبه‌تی له‌لایه‌نی راگه‌یاندندا، ئه‌مه‌ش له‌به‌ر ئه‌و په‌له‌ په‌له‌ی ئه‌یانکرد. له‌راستیدا ئه‌م ڕێخراوه‌ی باسمان لێکرد له‌سه‌ره‌تاوه‌ بۆیه‌ په‌له‌ی تێکه‌وت چونکه‌ بارودۆخێکی چاوه‌روان نه‌کراو هاته‌ به‌رده‌میان؛

قه‌زافی دوای کوشتنی کوڕه‌که‌ی و کوره‌زاکه‌ی له‌ قه‌سفی شاری ته‌رابلوسی لیبیادا ( یه‌ک رۆژ پێش کوشتنی بن لادن) هه‌ره‌شه‌ی خۆی کرد و له‌ پێستی خۆی هاته‌ ده‌رێ وه‌ ئاماده‌بوو به‌ جێبه‌جێکردنی هه‌نگاوێکی چاوه‌روان نه‌کراو ئه‌ویش : یارمه‌تیدانی موخابه‌راتی پاکستانی و سعودی که‌ ئاگادارن به‌ په‌یوه‌ندی نێوان ئه‌م ڕێکخراوه‌ نهێنیه‌ی سه‌ره‌وه‌ (که‌ به‌ کورتی ئه‌مریکایه)‌ له‌گه‌ڵ قاعیده‌.

وه‌ ویستی په‌یوه‌ندی بکات به‌ سه‌رکردایه‌تیه‌ مه‌یدانیه‌کانی قاعیده‌ که‌ ئاگادار نین په‌یوه‌ندیان هه‌یه‌ له‌گه‌ڵ ئه‌م ڕێکخراوه‌، وه‌ پێشیان رابگه‌یه‌نێت که‌ بن لادن هیچ بونێکی نه‌ماوه‌ وه‌ (زه‌واهیری ) که‌ ئاماژه‌ به‌کۆبونه‌وه‌کانی ئه‌کات له‌گه‌ڵ بن لادندا هه‌مووی دووره‌ له‌راستیه‌وه‌ و درۆ و ده‌له‌سه‌یه‌ وه‌ ئه‌ویش یه‌کێکه‌ له‌وانه‌ی که‌ کار بۆ ئه‌م رێکخراوه‌ ئه‌کات.به‌مه‌ش ئه‌و لقه‌ مه‌یدانیانه‌ له‌م ڕێکخراوه‌ هه‌لئه‌گه‌ڕانه‌وه‌ و قبولیان نه‌ئه‌کرد له‌ ژێر کۆنترۆلی ئه‌مریکا بن که‌ چه‌ند ساڵه‌ ئه‌مان ئاگادار نین ،وه‌ دواجارنه‌ئه‌توانرا له‌ژێر کۆنترۆڵی ئه‌م ڕێکخراوه‌دا بن. بۆیه‌ په‌له‌ کرا له‌ جێبه‌جێکردنی کوشتنی بن لادن بۆ ئه‌وه‌ی به‌ په‌له‌ ده‌می قه‌زافی دابخه‌ن. وه‌ ده‌ستیش بگیرێت به‌سه‌ر لایه‌نه‌ سه‌ره‌کیه‌کانی قاعیده‌ و ورده‌ ورده‌ به‌ بێ هیج مه‌ترسیه‌ک له‌ناویان به‌رن.

هه‌ربۆیه‌ گیتس پێش چه‌ند رۆژێک له‌ کوشتنی بن لادن ده‌ستی له‌کارکێشایه‌وه‌ وه‌ک وه‌زیری به‌رگری له‌به‌ر ئه‌وه‌ی ئه‌م پێی وابوو که‌ ئه‌و سیناریۆیه‌ی ئه‌مریکا سه‌رکه‌وتوو نابێت. وه‌ له‌شوێنی ئه‌و بانیتا بووه‌ وه‌زیر که‌ سه‌رۆکی موخابه‌راتی ناوه‌ندیه‌ . ئه‌مه‌ش ئه‌وه‌ ئه‌گه‌یه‌نێت که‌ سه‌ره‌تایه‌کی نوێیه‌ بۆ ئه‌وه‌ی سه‌ربازی ئه‌مریکی رۆڵیکی موخابه‌راتیشیان هه‌بێت به‌ پێی سیاسه‌تی نوێ ، وه‌ هه‌روه‌ها جێنه‌راڵ (بترایۆس ) کرا به‌ سه‌رۆکی موخابه‌راتی ناوه‌ندی له‌ کاتێکدا ناوبراو پێشتر سه‌رکرده‌یاتی هێزه‌کانی ئه‌کرد له‌ عێراق و دواتریش له‌ ئه‌فغانستان، ئه‌مه‌ش وای کردوه‌ که‌ خاوه‌نی زانیاریه‌کی زۆر بێت له‌مامه‌ڵه‌کردن له‌گه‌ڵ گه‌لانی رۆژهه‌ڵاتی ناوه‌ڕاست. چونکه‌ سه‌رکه‌وتوو بوو له‌ راکێشانی لایه‌نی شه‌عبی و سیاسی ئه‌و دوو وڵاته‌ (عێراق و ئه‌فغانستان).

 

بارودۆخی عێراق و کورد:

له‌راستیدا بارودۆخی عێراق هێشتا روبه‌روی چه‌ن گرفتێکه‌ تا بتوانرێت ببێت به‌ یه‌کێک له‌م ده‌وڵه‌ته‌ شۆرشگێره‌ دیموکراتیخوازه‌ نوێیانه‌. چه‌ند لایه‌نێک هه‌یه‌ که‌ ئه‌بێت قه‌ناعه‌تیان پێبکرێت وه‌ زۆریان لێبکرێت که‌ رازی ببن به‌ سیاسه‌تی نوێ. کێشه‌که‌ ئه‌وه‌یه‌ که‌ ئه‌مان له‌ماوه‌ی ئه‌م چه‌ند ساڵه‌ی پێشوودا چه‌نده‌ها ڕێکخراو و باره‌گا و حیزب و میلیشیای نهێنیان (له‌ناویاندا قاعیده‌) دامه‌زراندووه‌ ، بۆ ئه‌وه‌ی هه‌موویان ئاسانکاری بکه‌ن له‌ جێبه‌جێکردنی یه‌ک خاڵدا ئه‌ویش:

ته‌واوکردنی هه‌نگاوی کۆتایی له‌ پرۆژه‌ی ئاژاوه‌گێری له‌ عێراق ، که‌ چه‌نده‌ها ساڵه‌ ده‌ستی پێکردوه‌ هه‌ر به‌ قه‌ناعه‌ت کردن به‌ سه‌دام له‌ ساڵانی هه‌شتاکاندا به‌ به‌رده‌وام بوونی جه‌نگ له‌گه‌ڵ ئێراندا ، دواتریش شه‌ری کوێت ، ئینجا گه‌مارۆی ئابوری ، پاشانیش داگیرکردنی له‌لایه‌ن ئه‌مریکاوه‌ و وێران کردنی ووڵات و به‌فیرۆدانی مالو سامانی ووڵات و ده‌ستکردن به‌ شه‌ری تایه‌فه‌گه‌ری.

لقێکی کارای ئه‌م ڕێکخراوه‌ی باسه‌که‌مان هه‌وڵیدا وه‌ هه‌ستا به‌ دانانی خراپترین لایه‌نه‌ سیاسی و حیزبیه‌کان له‌ عێراق بۆ ئه‌وه‌ی پۆسته‌ سیاسیه‌ گه‌وره‌کان بگرنه‌ ده‌ست له‌ لایه‌نی سه‌ربازی له‌ په‌رله‌مان له‌ حیزبه‌کان له‌ راگه‌یاندنه‌کان هه‌روه‌ها له‌ سه‌رکردایه‌تیه‌کانی هه‌رێمی کوردستان؛ که‌ ئه‌وانه‌ی خراپترینن پۆسته‌ سیاسیه‌کان بگرنه‌ ده‌ست به‌تایبه‌ت کۆمپانیاکانی به‌رهه‌مهێنانی نه‌وت. به‌ ماوه‌ی ئه‌م چه‌ند ساڵه‌ توانیان که‌ چه‌ند چینێکی جیاواز له‌ عێراق دروست بکه‌ن  که‌ چه‌نده‌ها بیروراو لایه‌ن و بزوتنه‌و کۆمه‌ڵه‌ و سه‌رکردایه‌تی دینی دروست بکه‌ن و بیخه‌نه‌ ژێر کۆنترۆڵی خۆیانه‌وه‌ وه‌ ئه‌م سیاسه‌ته‌ ڕێگه‌ ئه‌دات به‌هه‌موو شیوه‌یه‌ک گه‌نده‌ڵی دزین و خراپه‌کاری له‌ ووڵاتدا بڵاو ببێته‌وه‌.

ته‌نانه‌ت لایه‌نه‌ ئۆپۆزسیۆنه‌کانیش کڕاونه‌ته‌وه‌ به‌ هه‌موو جۆره‌کانیه‌وه‌ دینی و سیاسی بۆ ئه‌وه‌ی هه‌ستن به‌ رۆڵی خۆیان بۆ ئه‌و پرۆژه‌یه‌ی که‌ هه‌وڵی بۆ ئه‌ده‌ن ئه‌ویش به‌رده‌وامی ئاژاوه‌گێران له‌ عێراق و هه‌رگیز باری ئارامی به‌خۆوه‌ نه‌بینێت.

به‌ کورتی توانیویانه‌ زۆربه‌ی زۆری سه‌رکردایه‌تیه‌ عێراقیه‌کان گه‌نده‌ڵ بکه‌ن و پاره‌ی عێراق به‌ فیرۆ بروات، ته‌نانه‌ت وایان لێکردوون که‌ بکه‌ونه‌ کێبڕکێی و منافه‌سه‌ له‌نێوان خۆیاندا بۆ جێبه‌جیکردنی فه‌رمانه‌ پیسه‌ گه‌نده‌ڵه‌کان به‌به‌رامبه‌ریکی زۆ که‌م بۆ ئه‌وه‌ی ئه‌وان رازی بکه‌ن.

ئێستا ئه‌زانن چه‌ند گرانه‌ قه‌ناعه‌ت کردن به‌م هێزه‌ گه‌نده‌ڵه‌ دڕندانه‌ وه‌ هه‌روه‌ها له‌ناویان به‌رن له‌کاتێکدا که‌ خۆیان دروستیان کردوه‌ و ده‌سه‌ڵاتی ره‌هایان پێدراوه‌ بۆ گێره‌شێوێنی له‌ عێراقدا که‌ رازی ببن به‌ گۆڕانی سیاسی و ئه‌و سیاسه‌ته‌ گه‌نده‌ڵه‌ به‌ره‌و چاکسازی بگۆڕن!!

بینیمان !!!!!

له‌م راپۆرته‌ی سه‌ره‌وه‌ تێگه‌یشتین که‌ هه‌رچی له‌م ووڵاتانه‌ رووئه‌دات به‌ داواکردنی دیموکراتی و چاکسازی و شۆرش ...هتد هه‌مووی ته‌نها خزمه‌تکردنی به‌رژه‌وه‌ندی ئه‌مریکا و رۆژئاوا و ئیسرائیله‌! بۆیه‌ له‌مه‌ش تێئه‌گه‌ین:

ئه‌م شۆڕشه‌ی که‌ خه‌ڵک  ئه‌یکات بۆ دیموکراتی ئه‌مریکا دروستی نه‌کردووه‌ به‌ هیچ جۆرێک ، به‌ڵکو کاردانه‌وه‌یه‌کی سروشتیه‌ بۆ کاری چه‌نده‌ها ساڵ له‌ فه‌شه‌ل و گه‌نده‌ڵی هه‌ر له‌ په‌نجاکانه‌وه هه‌تا کاتی ئێستا: قه‌ومیه‌ت و فاشیزمی و ئیسلامیه‌ت ،  بونی کوده‌تای سه‌ربازی و توندوتیژی سه‌رباز : به‌ده‌ستپێکرد به‌ کوده‌تا دوابه‌دوایه‌که‌کان و ئینجا مقاوه‌مه‌ی فه‌له‌ستینی و شه‌ری بیابان و شه‌ری کورد ... هتد ته‌نانه‌ت جیهادی قاعیده‌ش.. ده‌ره‌نجامێکه‌ بۆ ئه‌وه‌ی بگه‌ینه‌ ئه‌م رۆژه‌ و خه‌ڵک داوای ئازادی و دیموکراتی بکات چونکه‌ روبه‌روو بونه‌وه‌ی گه‌له‌ له‌گه‌ڵ راستیه‌کاندا و بێزاربونیانه‌.

ئه‌توانین بڵێین که‌ ووڵاتانی رۆژئاوا و ئه‌مریکا هه‌ڵنه‌ستاون به‌م شۆڕشانه‌ به‌ڵکو ئه‌مه‌ی رووئه‌دات ئه‌وه‌یه‌ که‌ رۆژئاوا له‌ڕێگه‌ی چاودێران و نێردراوانی خۆیان سه‌رپه‌رشتیارێتی ئه‌م شۆڕشه‌ی ئه‌کرد چه‌نده‌ها ساڵه‌ و دیراسه‌ی ئه‌کرد تا له‌ داهاتوودا گۆرانکاریه‌ سیاسیه‌کان له‌م ووڵاتانه‌دا رووبدات وه‌ ئه‌مانیش ببنه‌ هاوپه‌یمان له‌گه‌ڵ ئه‌م حکومه‌ته‌ نوێیانه‌دا به‌ڕێگایه‌کی ئاشتیخوازانه‌.

 

لێره‌وه‌ من له‌گه‌ڵ هه‌موو شۆڕشه‌ عه‌ره‌بیه‌کاندام .. به‌ڵێ بۆ داوای دیموکراتی ،  به‌ڵێ بۆ داواکاری به‌ ئاشتیخوازانه‌ ، به‌ڵێ بۆ ده‌رخستنی دیوێکی تر له‌ ده‌سه‌ڵات .. به‌ڵام یه‌ک خاڵی گرنگ هه‌یه‌ له‌ بیرمان نه‌چێت ::

 

هه‌رگیز و هه‌رگیز نه‌هێڵرێت ئه‌وه‌ی له‌ عێراق روویدا دووباره‌ بێته‌وه‌ ، به‌ناوی دیموکراتی و له‌ناوبردنی رژیمی پێشوو کۆمه‌ڵێکی گه‌نده‌ڵ دروست بوو که‌ هیچ ویژدان و ئه‌خلاقیاتی سیاسیان تیادا نیه‌ هیچ هه‌ستیکی نیشتیمانیان نیه‌ و مرۆڤایه‌تیان نیه‌ ، ئه‌م چینه‌ تاوانبارن: هیچ سه‌رکرده‌یه‌ی کوردی ره‌حمی به‌ کورد نه‌کرد درێژه‌یان دا به‌ چه‌نده‌ها سال ژیانی نه‌هامه‌تی ئه‌م میله‌ته‌ خێرو خێراتی کوردستان به‌ فیرۆ رۆی و له‌ ناوه‌وه‌ و ده‌ره‌وه‌ کوردستان هیچی به‌ هیچ نه‌کرد له‌م چه‌ند ساڵه‌ خه‌ونی دروستکردنی ده‌وڵه‌تی کوردی چوه‌ ناو قاسه‌ی مشه‌خۆرانه‌وه‌.. ته‌نها کورد له‌م بارودۆخه‌دا نیه‌ به‌ڵکو نه‌ سونه‌ فریای سونه‌ که‌وت نه‌ شیعه‌ فریای شیعه‌ که‌وت که‌سی فریای عێراق نه‌که‌وت.. چه‌ند دڕنده‌یه‌کن ووڵاتێکیان له‌ناوبرد و خوێنی چه‌نده‌ها رۆڵه‌یان رشت هه‌موو له‌ پێناو ئه‌وه‌ی به‌ ئاسانی له‌دزیه‌کانیان به‌رده‌وام بن.

 

ئه‌م راپۆرته‌ له‌ دوای گه‌ران به‌دوای چه‌ند هه‌واڵ و راپۆرت و راوبۆچون  و زانیاریه‌کی ته‌نها بیانیدا و شی کردنه‌وه‌ی سیاسیه‌ بیانیه‌کان لێکدراوه‌ته‌وه‌ و ئاماده‌م کردووه‌ و وه‌رمگێراوه‌ته‌ سه‌ر زمانی شیرینی کوردی   .. به هیوام توانبێتم سودبگه‌یه‌نم به‌تۆ خوێنه‌ری ماڵپه‌ری کوردژین وه‌ک پێویست ...

 له‌گه‌ڵ ڕێزمدا..

هێشوو شه‌ماڵ محمود

سلێمانی

12_5_2011

 

 
گوتار
وێنە
ئازادی ڕا ده‌ربرین له‌ ژێر هێرشدایه‌ له‌ هه‌رێمی کوردستان
هیومان رایتس واچ  به‌رواری 10 فبرایه‌ری 2013 ، ڕه‌خنه‌ی توند ئه‌گرێت له‌ حکومه‌تی هه‌رێمی...
وێنە
په‌یام بۆ گه‌لی کورد له‌ ڕۆژئاوای کوردستان
 حیزب‌و ڕێکخراوه‌ خه‌باتگێڕه‌کانی ڕۆژئاوای کوردستان! کۆمه‌ڵانی ڕاپه‌ڕیوی گه‌لی کورد...
وێنە
(عافیَت)ى (خۆشناوان)
هیَمن عومه‌ر خۆشناو-شه‌قلاَوه‌ مه‌لامحه‌مه‌دى كۆیى كوڕى مه‌لا عه‌بدولَلاَى جه‌لى...
وێنە
ره‌ هه‌نده‌ ستراتیژیه‌كانى دروستكردنى هه‌ریَمه‌كان له‌ ئیَراقدا
عومه‌ر ئاواره‌ له‌ دواى روخاندنى ڕژیَمى به‌عس وكوَتایى هیَنان به‌ كوَمارى ئیَراق له‌ سالَى 2003،...
وێنە
یادی کۆماری کوردستان، زه‌مینه‌یه‌ک بۆ کۆنفڕانسی نه‌ته‌وه‌یی
ن: سمایل شه‌ره‌فی له‌وانه‌یه‌وه‌دوا خستنی یادکردنه‌وه‌ی ساڵیادی کۆماری کوردستان...
وێنە
وتاری به‌ریز خالید عه‌زیزی، سکرتیری گشتیی حیزبی دیموکراتی کوردستان له‌66 ساڵه‌ی دامه‌زرانی کۆماری کوردستاندا
خوشک و برایانی ئازیز! میوانه‌به‌ڕێزه‌کان!  دۆستان! و لایه‌نگران! و ئه‌ندامانی حیزبی دێموکرات! و...
وێنە
كۆمه‌ڵه‌ی منداڵانی كورد ـ له‌ نه‌رویج -یادی( شه‌ست و شه‌شه‌مین ) ساڵڕۆژی دامه‌زراندنی كۆماری كوردستان پیرۆزده‌كه‌ن
   له‌ یادی شه‌ست و شه‌شه‌مین ساڵڕۆژی دامه‌زراندنی كۆماری كوردستان دا.. جوانترین پیرۆبایی...
وێنە
کۆماری کوردستان (کۆمارە کەم تەمەنەکە)
کات پایزێکی نیمچە سارد بوو ، شار شارێکی داگیرکراوی کوردستان بوو، کەچەندەها ساڵە بەدەست زوڵم و ستەمی...
وێنە
هه‌ڵوێستمان به‌رامبه‌ر هه‌ڵبژاردنه‌کانی نۆیه‌مین ده‌وره‌ی مه‌جلیس
هاونیشتمانه‌ به‌ڕێزه‌کان! خه‌ڵکی تێکۆشه‌ری کوردستان! ڕێژیمی کۆماری ئیسلامی به‌نیازه‌ ڕۆژی...
وێنە
‌کۆمه‌ڵ کوژی شرناخ وکولانه‌وه‌ی گشت زامه‌کان
زۆربه‌ی زۆری نه‌ته‌وه‌ی کورد هه‌ر ڕۆژه‌و به‌ ناوو بیانویه‌که‌وه‌ به‌ کۆمه‌ڵ له‌...
وێنە
به‌یاننامه (کوشتاری به‌ کۆمه‌ڵی کاسبکارانی کورد له‌ باکووری کوردستان، مه‌حکووم ده‌که‌ین) 30 / 12 / 2011
‌به‌ گوێره‌ی هه‌واڵی هه‌والده‌رییه‌ کوردی و جیهانییه‌کان شه‌وی 28 له‌ سه‌ر29ی...
وێنە
فه‌له‌ج کردنی کابینه‌کانی حکومه‌تی هه‌رێم له‌به‌رژه‌وه‌ندی کێ دایه؟!
به‌ڕێزان ، له‌ ٢٥. ١١. ٢٠٠٩، بابه‌تێکمان له‌ سایت و ڕۆژنامه‌کان بڵاوکرده‌وه له‌ژێر...
وێنە
خالید عه‌زیزی: ئێمه‌ هیچ کێشه‌یه‌کمان له‌ گه‌ڵ ئه‌و لایه‌نه‌ ئیسلامیانه‌ نیه‌
خالید عه‌زیزی: ئێمه‌ هیچ کێشه‌یه‌کمان له‌ گه‌ڵ ئه‌و لایه‌نه‌ ئیسلامیانه‌ نیه‌ که‌...
وێنە
چ شتێكت هیلاكت ده‌كات ؟!
ڕسته‌یه‌كی پڕ بایه‌خ هه‌یه‌ كه‌ ده‌ڵێت ( به‌ ته‌نها كاری هزری نابێته‌ هۆی ماندووبوونت )...
وێنە
گۆرانی كۆمه‌لایه‌تی چیه‌؟
پێشەكی: هەمیشە دیاردەی گۆڕان جێگای سەرنجی مرۆڤ بووە، گۆرانە سروشتیەكان یەكەم جۆری گۆران بووە كە مر ۆڤ هەستی...
وێنە
كوردو ئه وهه له ى له به رده ستى دايه
هه مومان ئه زانين ئيمه وه ك كه لى كورد نه ته وه يه كين كه به ده يان ساله. نزيك به صه ده يه كه ؛خه بات ئه كه ين بو ئه...
وێنە
بۆ ناوچه‌ داڕێندراوه‌كان..... حكومه‌تی هه‌رێمی كوردستان چی پێده‌كرێت.
شاری خورماتوو بۆ نمونه‌.. عومه‌ر ئاواره‌   ئه‌مه‌یان پرسیاری من نییه‌، به‌ڵگو پرسیاری...
وێنە
پێویستە خەڵکی ناوچەکانی بناری قەندیل سکاڵا لەسەر تورکیا تۆمار بکەن
بۆ :پارێزەرانی کوردستان. ماوەی چەند ساڵێکە سوپای تورکیا بەشێوەیەکی بەردەوام بەجۆرەھا چەکی پێشکەوتووی...

ناردنی بابه‌ت

sirwan@kurdzhin.net
یان
sozi@kurdzhin.net

میوان له‌سه‌رهێڵ

کوردژین میوان له‌سه‌رهێڵه