له‌گه‌ڵ هاتنی به‌هاری ئه‌مساڵدا ((رودان)) وه‌كو ساڵانی رابردوو دوای بڕینی ڕێگایه‌كی 13هه‌زار كیلۆمه‌تری ،، له‌ئه‌فریقای باشوره‌وه‌ به‌ره‌و كرواتیا گه‌رایه‌وه‌ تا به‌هارو هاوین له‌گه‌ل ((مالنا )) به‌سه‌ر به‌ریت ،،، مالنا له‌قله‌قێكی میینه‌یه‌ كه‌ناتوانێت به‌هۆی برینێكی كۆنه‌وه‌ ناتوانێت ئه‌م هه‌موو ڕێگایه‌ ببڕێت....
((استیپان فوكیك)) ئاژه‌ڵناسێك كه‌له‌ ساڵی 1993وه‌ ده‌رمان و چاره‌سه‌ری ئه‌م له‌قله‌قه‌ میینه‌ی كردووه‌ ئه‌ڵێت (( روودان" هه‌موو ساڵێك بۆبینینی هاوسه‌ره‌كه‌ی ئه‌گه‌ڕێته‌وه‌ كرواتیا له‌ته‌واوی ئه‌م ساڵانه‌دا به‌رامبه‌ر هاوسه‌ره‌كه‌ی وه‌فادار بووه‌ ئه‌مه‌ش هه‌شته‌مین ساڵه‌ من شاهیدی ئه‌م ڕووداوه‌م))
باڵێكی مالنا له‌ساڵی 1993 له‌لایه‌ن ڕاوچیه‌كه‌وه‌ بریندار ئه‌بێت و به‌م هۆیه‌شه‌وه‌ ئه‌م له‌قله‌قه‌ مییینه‌ هه‌میشه‌ له‌فڕێن ئه‌كه‌ویت..
هه‌مووساڵێك ڕوداوی ئه‌م عه‌شقه‌ی (ڕودان و مالنا ) نیگای زۆرێك له‌په‌یامنێرو ڕۆژنامه‌وانه‌كان به‌لای خۆیدا ڕائه‌كێشێت به‌م هۆیه‌شه‌وه‌ سه‌دان كه‌س بۆ سه‌لماندنی چركه‌ساتی ئه‌م عه‌شقه‌ له‌ گوندی (برودسكی واروس) له‌ ڕۆژهه‌لاتی كرواتیا كۆئه‌بنه‌وه‌ ،،به‌ڵام رودان به‌بێ ئاگاداربون و گوێ پێدانی ئه‌و كه‌سانه‌ ڕاسته‌وخۆ له‌هێلانه‌كه‌ی ئه‌و جێگایه‌ی كه‌ مالنا چاوه‌ڕییه‌تی ئه‌نیشێته‌وه‌...
ئه‌م ئاژه‌ڵناسه‌ كرواتیه‌ ووتی(( هه‌موو له‌قله‌قه‌كانی تر به‌جووته‌ له‌نزیكه‌ی 5 تا 6 ڕۆژێك ئه‌گه‌ڕێنه‌وه‌ هێلانه‌كانی خۆیان له‌كاتێكدا ڕودان یه‌كه‌مین له‌قله‌قه‌ ئه‌گاته‌ هێلانه‌كه‌ی خۆی چونكه‌ مالنا چاوڕوانی ئه‌و ئه‌كات))
له‌هێلانه‌ی هاوینی عه‌شقدا وه‌كو ساڵانی ڕابردوو له‌نزیك دوومانگدا 4 تا 5 بێچوویان ئه‌بێت و رودان كاری فێركردنی فڕینی بێچووه‌كان ئه‌گرێته‌ ئه‌ستۆو  چونكه‌ مالنا توانای فڕێنی نیه‌....
له‌ پاییزدا و له‌كاتی كۆچكردندا بێچووه‌كانیش له‌گه‌ل باوكیان ئه‌ڕۆنه‌وه‌ به‌ره‌و ئه‌فه‌ریقا له‌كاتێكدا مالنا تا به‌هاری ئاینده‌ دێته‌وه‌ چاوه‌ڕوانی رودان ئه‌بیت عاشقانه‌ له‌ هێلانه‌كه‌ی چاوه‌ڕێی ئه‌كات...........

ئا/مریوان باوه‌نوری