ئایا پێشه‌كه‌ى خۆتت خۆشده‌وێ‌؟ ده‌توانیت راستى خۆت بزانیت به‌ راست وه‌لآمدانه‌وه‌ى ئه‌م پرسیارانه‌ى خواره‌وه‌: وه‌لآمى گونجاو هه‌ڵبژێره‌ له‌م سێ‌ وه‌لآمه‌ى خواره‌وه‌...

1-    تا چ رِاده‌یه‌ك هه‌ست به‌ بێزارى ده‌كه‌یت كاتێ‌ هه‌لى پله‌ى به‌رزكردنه‌وه‌ت لێ‌ ده‌فه‌وتێ‌؟
( ا ) هه‌ست به‌بێزارى ناكه‌م.(ب) زۆر بێزار ده‌بم.(ج) كه‌مێك بێزار ده‌بم
.
2- ئایا خۆت زۆر له‌ ئیشدا ده‌بینیته‌وه‌؟
( ا ) زیاد له‌ پێویست نا.(ب) زۆر، به‌و رِاده‌ى كه‌ خواسته‌كانمى پێ به‌دى دێنم.(ج) پێده‌چێ‌ زیاد له‌ پێویست خۆم ماندو بكه‌م.

3- كام له‌مانه‌ى خواره‌وه‌ ئاره‌زوه‌كانت تێر ده‌كات؟
( ا ) دڵخۆش وجێگیربم له‌كاره‌كه‌مدا.(ب) له‌وپه‌رِى سه‌ركه‌وتندابم وبگه‌مه‌ لوتكه‌.(ج) جێى رێز وپێزانین بم.

4- تا چه‌ند گرنگه‌ به‌لاته‌وه‌ تایبه‌تمه‌ندى سه‌ركه‌وتن؟
( ا ) پێموایه‌ سه‌رچاوه‌یه‌كى تێركردنى ده‌رونین زیاترله‌وه‌ى گرنگیان هه‌بێت.(ب) گرنگن.(ج) زۆر گرنگن.

5- ئه‌و كۆمپانیاى كارى بۆ ده‌كه‌یت لقێكى نوێى كردۆته‌وه‌ له‌شوێنێكى جیاواز له‌و شوێنه‌ى لێى ده‌ژیت وداوایان لێكردیت ببیته‌ به‌رپرسى ئه‌و لقه‌ نوێ‌یه‌، رێده‌چێ‌ كاردانه‌وه‌ت كام له‌مانه‌ى خواره‌وه‌ بێت؟
( ا ) ره‌تى ده‌كه‌مه‌وه‌ وناچم.(ب) ده‌چم و واچاوه‌رِوان ده‌بم خێزانه‌كه‌م پێیان خۆش بێت وپاڵپشتیم لێ‌ بكه‌ن.(ج) راپرسى خێزانه‌كه‌م ده‌كه‌م تا بگه‌ینه‌ بریارێكى هاوبه‌ش.

6- ئایا په‌نا ده‌به‌یته‌ به‌ر نارِاستى ونارِه‌وایى له‌ پێناو ئه‌وه‌ى پله‌ت زیادبكا؟
( ا ) نه‌خێر.(ب) به‌ڵێ‌.(ج) پێده‌چێ‌.

7- ئایا ئاسان ده‌توانیت بیر له‌ ئیش وكار نه‌كه‌یته‌وه‌ له‌ كاتى مۆڵه‌ت وپشوى هه‌فته‌دا؟
( ا ) زۆر ئاسانه‌.(ب) هه‌رگیز ناتوانم به‌ته‌واوى له‌بیكردنه‌وه‌ له‌كار دابرِێم.(ج) هه‌ندێ‌ جار ناتاوانى به‌ته‌واوى له‌بیرى خۆتى دورخه‌یته‌وه‌.

8- ئایا تاچه‌ند كارى ته‌واونه‌كراوت هێناوه‌ته‌وه‌ ماڵ تاكو به‌رله‌كاتى دیاریكراوى خۆى ته‌واوى بكه‌یت؟
( ا ) به‌ده‌گمه‌ن.(ب) زۆر جار.(ج) هه‌ندێ‌ جار
.
9- تا چه‌ند گرنگه‌ به‌لاته‌وه‌ كه‌سانى بالآده‌ست ئاشناكه‌یت له‌ تواناكانت؟
( ا ) گرنگ نیه‌.(ب) زۆر گرنگه‌.(ج) تارِاده‌یه‌ك گرنگه‌.

10- حه‌زده‌كه‌یت به‌ئاگابیت له‌هه‌مو جموجۆڵێكى ئه‌و شوێنه‌ى كارى تیاده‌كه‌یت؟
( ا ) نه‌خێر.(ب) به‌ڵێ‌.(ج) هه‌مو شتێك نا، هه‌ندێ‌ شتى پێویست.

11- پێتوایه‌ ده‌بێ‌ بگه‌یته‌ لوتكه‌ وبه‌رزترین پله‌ له‌و پیشه‌ى خۆتدا؟
( ا ) نه‌خێر، من ئه‌م جۆره‌ فشارانه‌ جێ دێڵم بۆ كه‌سانى تر.(ب) به‌ڵێ‌.(ج) مه‌رج نیه‌ به‌رزترین پله‌بێت، ره‌نگه‌ پێمخۆش بێت پله‌یه‌ك له‌مه‌ به‌رزتر بگرمه‌ ده‌ست.

12- پێتوایه‌ تۆ كه‌سێكى شاره‌زایت له‌ بوارى ئه‌و پیشه‌ى خۆتدا؟
( ا ) نه‌خێر.(ب) به‌ڵێ‌.(ج) زۆرشت ماوه‌ كه‌پێویسته‌ فێرببم.

14- ئایا زۆر باسى پیشه‌كه‌ت ده‌كه‌یت له‌لاى هاورِێ‌ وخێزانت؟
( ا ) نه‌خێر من كار به‌دور ده‌گرم له‌كه‌سانى چوارده‌ورم.ب) به‌ڵێ‌ رِێى تێده‌چێ‌.(ج) به‌ئاگانیم گه‌ر شتێكى وابكه‌م.

15- به‌بۆچونى تۆ سودى سه‌ره‌كى توانست ولێهاتوى چیه‌؟
( ا ) فراوانكردنى ئه‌قڵ.(ب) وه‌ده‌ستهێنانى كارێكى باش.(ج) خاوه‌نداریه‌تى چانسێكى باشتر بۆ كار.

16- ئه‌گه‌ر هه‌لێك هاته‌ پێشه‌وه‌ بۆ كاركردن تاماوه‌ى شه‌ش مانگ دور له‌و شوێنه‌ى هاورِێ وخێزانتى لێیه‌، ئایا رازى ده‌بیت به‌و هه‌له‌؟
( ا ) نه‌خێر.(ب) به‌ڵێ‌.(ج) پێده‌چێ‌.

17- تاچه‌ند به‌لاته‌وه‌ گرنگه‌ په‌یوه‌نیت خۆشكه‌یت له‌گه‌ڵ بالآده‌ستاندا؟
( ا ) گرنگ نیه‌.(ب) زۆر گرنگه‌.(ج) هه‌وڵ ئه‌ده‌م له‌گه‌ڵ هه‌مو تاكێكدا په‌یوه‌ندیم خۆش بێت.

18- به‌برِواى تۆ كام له‌مانه‌ى خواره‌وه‌ گرنگى زیاتریان هه‌یه‌؟
( ا ) به‌ده‌ست پاكى وره‌وشت به‌رزیه‌وه‌ خه‌رجى خۆم په‌یدابكه‌م.(ب) له‌ پله‌ وپایه‌یه‌كى بالآده‌ستدا بم.(ج) جێى رێزى هاوه‌لآنى كاره‌كه‌م بم.

19- ئایا به‌ئومێده‌وه‌ ده‌رِوانیته‌ ئه‌و رۆژه‌ى خانه‌نشین ده‌كرێیت تابتوانى ژیانێكى كاتفراوان وبه‌چێژ به‌یته‌ سه‌ر؟
( ا ) به‌ڵێ‌.(ب) نه‌خێر، ئه‌گه‌ر به‌ده‌ستى خۆم بێ‌ ره‌نگه‌ نه‌هێڵم خانه‌نشین بكرێم.(ج) زۆر به‌ئومێده‌وه‌ لێى نارِوانم.

20- ئه‌گه‌ر به‌یانیه‌ك له‌خه‌و هه‌ستایت وهه‌ستتكرد كه‌ ماندو وشه‌كه‌تى وگومانت بوو كه‌ نه‌خۆش كه‌وتبیت، ئه‌وا چى ده‌كه‌یت؟
( ا ) به‌ته‌له‌فۆن په‌یوه‌ندیان پێوه‌ده‌كه‌م وپێیان راده‌گه‌یه‌نم كه‌ ناتوانم بێم بۆ كار.(ب) ده‌چم بۆ كار وبه‌رده‌وام ده‌بم.(ج) ده‌به‌نگیه‌ گه‌ر له‌ دۆخێكى وه‌هادا برِۆم بۆ كار بۆیه‌ مۆڵه‌ت وه‌رده‌گرم.

21- ئه‌و كاتانه‌ى ده‌چیت بۆكار تا چه‌ند بایه‌خ به‌رێكپۆشى خۆت ئه‌ده‌یت ؟
( ا ) بایه‌خێكى زۆرى پێ ناده‌م.(ب) بایه‌خى پێ ئه‌ده‌م چونكه‌ رێكپۆشى گرنگه‌ بۆكار.(ج) به‌ رِاده‌یه‌كى پێویست.

22- كاتێ‌ دیدارێكى كارت هه‌یه‌، كام له‌مانه‌ى خواره‌وه‌ت به‌لاوه‌ گرنگتره‌؟
( ا ) به‌ كه‌سێكى دڵگه‌رم بێمه‌ به‌رچاو.(ب) كه‌سێكى لێهاتوبم وپێشینه‌یه‌كى باشم هه‌بێ‌.(ج) كه‌سێكى روخۆش ورێزداربم.

23- ئه‌گه‌ر له‌ پرِ له‌ كاركه‌ت ده‌ركرایت، ده‌ماوده‌م كاردانه‌وه‌ت چۆن ده‌بێ‌؟
( ا ) بیر له‌وه‌ ده‌كه‌مه‌وه‌ چۆن ئه‌م هه‌واڵه‌ به‌ ماڵه‌وه‌ رِاگه‌یه‌نم.(ب) هه‌ست به‌ دڵته‌نگیه‌كى زۆر ده‌كه‌م وناچار ده‌بم به‌شوێن كارێكى نوێدا بگه‌رِێم.(ج) هه‌ست به‌ راچڵه‌كینێكى گه‌وره‌ ده‌كه‌م.

24- چێژ له‌ كامیان زیاتر وه‌رده‌گریت، كاره‌كه‌ت یان خولیاكانت؟
( ا ) خولیاكانم.(ب) كاره‌كه‌م.(ج) وه‌كو یه‌ك چێژیان لێ‌ وه‌رده‌گرم.

25- پێتوایه‌ پێویسته‌ فێڵبازبیت تا بتوانیت به‌ پلیكانه‌ى سه‌ركه‌وتندا سه‌ركه‌ویت؟
( ا ) ئه‌گه‌ر پێویست بێ‌، چونكه‌ ئه‌مه‌ له‌ خو ره‌وشتى مندا نیه‌.(ب) بێگومان.(ج) ره‌نگه‌ فبَڵبازى به‌و شێوه‌ سودى نه‌بێت.

26- ئایا رێى تێده‌چێ‌ پشو وه‌رنه‌گرى له‌ پێناو ئه‌وه‌ى كارێكت به‌ئه‌نجام بگه‌یه‌نى؟
( ا ) ئه‌گه‌ر بزانم كاره‌كه‌م له‌مه‌ترسیدایه‌ ده‌یكه‌م.(ب) به‌ڵێ‌ به‌ ئه‌ركێكى خۆمى ده‌زانم.(ج) به‌ بێزارییه‌وه‌ ده‌یكه‌م.

27- ئایا رێى تێده‌چێ‌ ژیانى كۆمه‌لآیه‌تیت فه‌رامۆش بكه‌یت له‌ پێناو ئه‌وه‌ى خواسته‌ پیشه‌یه‌كانت به‌دى بێنیت؟
( ا ) نه‌خێر.(ب) به‌ڵێ‌.(ج) ره‌نگه‌ هه‌ندێكى به‌لآم نه‌ك هه‌موى.

28- ئایا رێى تێده‌چێ‌ به‌شدارى له‌ خولێكى راهێنان بكه‌ى كه‌ خه‌رجێكى زۆرى تێده‌چێ‌ له‌ پێناو ئه‌وه‌ى ئاینده‌ى كاره‌كه‌ت باشتركه‌یت؟
( ا ) نه‌خێر.(ب) به‌ڵێ‌.(ج) پێده‌چێ‌.

29- ئایا رێى تێده‌چێ‌ موچه‌یه‌كى كه‌متر وه‌ربگریت ئه‌گه‌ر زانیت كه‌ ره‌نگه‌ ئاینده‌ى كاره‌كه‌ت باشتربكات؟
( ا ) نه‌خێر.(ب) به‌ڵێ‌.(ج) پێ ناچێت.

30- ئایا رێى تێده‌چێ‌ هه‌میشه‌ به‌گوێ‌ كه‌سێك بكه‌یت وله‌قسه‌ى ده‌رنه‌چیت ئه‌گه‌ر زانیت ئه‌مه‌ ئاینده‌ى كاركه‌ت باشتر ده‌كات؟
( ا ) نه‌خێر.(ب) به‌ڵێ‌.(ج) پێده‌چێ‌.

خاڵه‌كان: بۆ هه‌مو وه‌لآمێكى (ب) دوو خاڵ تۆماركه‌، وبۆ هه‌مو وه‌لآمێكى (ج) یه‌ك خاڵ تۆماركه‌، سفریش بۆ هه‌مو وه‌لآمێكى ( ا ). پاشان خاڵه‌كانت كۆبكه‌ره‌وه‌.

یه‌كه‌م: ئه‌گه‌ر كۆى خاڵه‌كانت له‌ 45 تا 60 خاڵ بوو:
خاڵه‌كانت ئاماژه‌ به‌وه‌ ئه‌ده‌ن كه‌ تۆ كه‌سێكى پیشه‌كه‌ى خۆتت زۆر خۆشده‌وێ‌، وكاره‌كه‌ت به‌گرنگترین شتى ژیانت داده‌نێى، هه‌مو شتێك ده‌كه‌یت له‌پێناو ئه‌وه‌ى بیسه‌لمێنى كه‌ تۆ كه‌سێكى سه‌ركه‌وتویت، تۆ كاره‌كه‌ت به‌ رێگایه‌ك نابینیت به‌ره‌و ژیان به‌ڵكو به‌ده‌روازه‌یه‌ك بۆ كۆكردنه‌وه‌ى سه‌روه‌ت وسامان.

دووه‌م: ئه‌گه‌ر كۆى خاڵه‌كانت له‌ 27 تا 44 خاڵ بوو:
وادیاره‌ تۆ پیشه‌كه‌تت خۆشده‌وێ‌، هه‌رچه‌نده‌ كه‌ كاره‌كه‌ت گرنگیه‌كى باشى هه‌یه‌ له‌لات به‌لآم به‌و رِاده‌یه‌ نا كه‌ له‌ خێزانه‌كه‌تت خۆشتربوێ‌، له‌و برِوایه‌دایت كه‌ په‌یوه‌ندى خێزانى چه‌ندین تایبه‌تمه‌ندى گرنگ له‌خۆ ده‌گرێت وه‌ك جێگیرى وخۆشگوزه‌رانى، ئه‌مه‌ش واده‌كات به‌سه‌ر پیشه‌كه‌تیا سه‌رخه‌یت.

سێهه‌م: ئه‌گه‌ر كۆى خاڵه‌كانت له‌ 27 خاڵ كه‌متر بوون:
له‌گه‌ڵ ئه‌وه‌ى كه‌ خاڵه‌كانت ئاماژه‌ به‌وه‌ ئه‌ده‌ن پیشه‌كه‌تت خۆش ناوێت به‌لآم ئه‌مه‌ ئه‌وه‌ ناگه‌یه‌نێ‌ كه‌ تۆ كه‌سێكى سه‌ركه‌وتونیت، یان سه‌ركه‌وتونابیت له‌ كاره‌كه‌ت، تۆ له‌و كه‌سانه‌ نیت كه‌ پێیانوایه‌ پیشه‌كه‌یان شوناسیانه‌ به‌ڵكو تۆ پێتوایه‌ پیشه‌كه‌ت به‌شێكه‌ له‌ چه‌ندین به‌شى ترى كه‌سایه‌تیت.

ئـــــــــــاماده‌کردنی:سورێن ‌آکره‌م

تایبه‌ت به‌ کوردژین