زاگرۆس: هەڵگری نازناوی یەکەمین بێژەری کوردم لەسەر تۆڕی ئینتەرنێت

زاگرۆس: ئەو کەسەى دەبێتە هاوسەرم دەبێت تا مردن نازم هەڵگرێت

زاگرۆس یەکێکە لەو کچە سەرکەوتوو رۆخۆشانەى کە ماوەیەکی زۆرە لەناو بواری راگەیاندندا کار دەکاتء سەرەتا وەک نوسین بەشداری لەکاری راگەیاندندا دەکرد، بەڵام ماوەیەک دەبێت لە ماڵپەڕی چرا تیڤی وەک پێشکەشکارێک لەو ماڵپەڕەدا کار دەکاتء بەرنامەى (چرا موزیک) بە ڕووە خۆشەکەیەوە لەسەر تۆڕی ئینتەرنێتء ماڵپەری چرا تیڤی بەهەمومان ئاشنا دەکات، زاگرۆس جیا لەکاری راگەیاندن لەبواری نواندنیشدا کار دەکاتء ئێستا لە وڵاتی هۆڵەندا سەرقاڵی شانۆگەریەکە کە خۆی ڕۆڵی تێدا دەبینێت، لەم بەسەر کردنەوەیەى گۆڤاری هۆنیادا زاگرۆس باس لەژیانی هونەریء راگەیاندنء تایبەتی خۆی دەکات.

ئینتەرڤیو: توانا عومەر


با بزانین زاگرۆس کەى دەستی بەژیان کردوەو لەژیانی ڕۆژانەیدا چۆن هەڵس و کەوت دەکات؟

ساڵی 1988 لەشاری سلێمانی لەدایکبومء لەو کاتەوە ژیانی زاگرۆس دەستی پێکردوە، لەتەمەنی 11 ساڵیەوە کوردستانم جێهێشتوەو لەگەڵ خانەوادەکەم لە ئەوروپا دەژین، ئەوەى ڕاستی بێت بەمناڵی کچێک بوم ئێستاش هەر ئەو کچەم، هیچ نەگۆڕاوم، هەر وەک جاران زۆر هێدیء هێمنء بێدەنگم، تەنها سەرقاڵی ئیشء کاری خۆمم، زۆر خۆم هیلاک ئەکەم بۆ دواڕۆژێکی فراوانء سەرکەوتن، خۆم بە ئیشی کەسەوە هیلاک ناکەمء هاوڕێم زۆر کەمە، ئێستاش هەر وەک جاران زۆر زۆر شەرمنم، بۆ سادەترین شت شەرم ئەکەم کە لەڕاستیدا پێویستی بە شەرم نییە.

دوری نیشتیمان Ùˆ  ئازیزانت Ú†ÛŒ کاریگەرییەکی لەلا دروست کردویت؟

دورم لەو خاکەى کە تێیدا لەدایک بوم، دورم لە ئەزیزانم، دوریم لە نیشتیمان وای لێکردوم بەهەمو توانای خۆم ئەوەى لە ئەوروپا لە خوێندنگە فێربومء فێری ئەبم، ڕۆژێک بێت بیگەیەنم بە نەتەوەکەمء بتوانم خزمەتی نیشتیمانەکەمی پێ بکەم.

راگەیاندنی کوردی زیاتر راگەیاندنێکی پیاوانەیە، ژنان زۆر کەمتر لە پیاوان لەو بوارەدا کار دەکەن، پێت وایە چی بکرێت بۆ ئەوەى ئافرەتی کورد ڕۆڵێکی کاریگەر هاوشانی پیاو لەناو راگەیاندندا بگێڕێت؟

زۆر بەداخەوە کە ئێستاش هەر جیاوازی نێوان ئافرەتانء پیاوان ئەبینرێت لە کۆمەڵگای کوردەواری، هۆکاری بواری ڕاگەیاندنیش هەروەها ئەگەڕێتەوە بۆ کۆمەڵگا، بە بۆچونی من ئەگەر لە کۆمەڵگای کوردەواریدا ئەوەندەی ئازادی دراوە بە پیاو نیوەى ئەوە بدرێت بە ئافرەت ئەو کاتە نەک دنیای ڕاگەیاندن ئەگۆڕێت، بەڵکو بە بواری تریشدا، من لەو باوەڕەدام ئافرەتی کورد ژنی کوردی توانای زۆرە.

لەکەیەوە لەناو بواری راگەیاندندا کار دەکەیتەو چۆن ئەم بوارەت هەڵبژارد؟

ساڵی 2007 هاتمە ناو بواری راگەیاندن بەهۆی پێشکەش کردنی بەرنامەى (چرا موزیک) پێشتر لە سایتێکی گەنجان بابەتم ئەنوسی و چالاکیم زۆر بو لەو بوارەدا، حەزو خۆشەویستیم بۆ کاری راگەیاندن وای لێکردم کە ئەم ڕێگایە بگرمە بەرو لە راگەیاندندا چالاکیم هەبێت.

ئایندەى چرا موزیک چۆن دەبێت؟

داهاتوی بەرنامەى چرا موزیک ÙˆÛ•Ú© Ù…ÛŽÚ˜Ùˆ ئەبینرێت Ù„Û• بواری راگەیاندن Ùˆ بواری هونەریدا، لەبەر ئەوەى من هەڵگری نازناوی یەکەمین بێژەری کوردم لەسەر تۆڕی ئینتەرنێت،  ئەو تایتڵە جێگەى خۆی کردۆتەوە بۆ هەتا هەتایە Ù„Û•Ù…ÛŽÚ˜ÙˆÛŒ راگەیاندنء هونەریدا.

خەونەکانی تۆ چین؟

خەونی من زۆرن، بەتایبەتی بۆ بواری راگەیاندن کە جیاوازی نێوان ئافرەت و پیاو نەمێنێت، ئافرەتیش بە ئازادی و بێ ترس کار بکات لەناو کاری راگەیاندن.

تا ئێستا داوات لێکراوە لەکەناڵە کوردییەکان وەک پێشکەشکار کاریان لەگەڵ بکەیت؟ مەرجی تۆ چی بووە؟

بەڵێ خۆشبەختانە چەندین جار لەلایەن کەناڵە کوردییەکانەوە داوام لێکراوە بۆ پێشکەش کردنی بەرنامە لە تەلەفزیۆنەکانیان، مەرجی من ئەوە بوە ئەو بەرنامەیەی پێشکەشی دەکەم دەبێت بەسود بێت بۆ کۆمەڵگە.

با بزانین زاگرۆس بینەری کام کەناڵی کوردییەء سەرنج ڕاکێشە بەلای تۆوە؟
سەرەتا زۆر شانازی بە ئەوەوە دەکەم کە چەندین کەناڵی تەلەفزیۆنی سەرکەوتومان هەیە، هەمویان خاوەنی بەرنامەى جوانن، واتا سەرسامم بەهەمویان.

کیژانی کورد لە تاراوگە یان لەبواری نوسینی شیعردا دەردەکەون یاخود لەبواری گۆرانی وتندا، تۆ بیرت لەوە نەکردۆتەوە گۆرانی بڵێیت؟

بێگومان منیش وەک ئەو کچانە ئارەزویەکی زۆرم هەیە بۆ ئەو بوارانە، وەک چۆن دیارە خۆشم کاری تێدا دەکەم، بەڵێ بێگومان بیرم لە گۆرانی وتن کردۆتەوە، بەڵام نامەوێت پەلەى تێدا بکەمء خوێندنم لەدەست بچێت، لەبەر ئەوەى موزیک کاتێکی زۆری ئەوێت، ئەبێت خۆتی بۆ هیلاک بکەیت.

تا ئێستا داوای بەشداری کردنت لە فیلمی سینەمایی یاخود درامادا لێکراوە؟

بەڵێ چەندین جاریش داوام لێکراوە، بەڵام بەداخەوە تا ئێستا جێگەى خۆی نەگرتوە، لەمەو دوا هەوڵ ئەدەم لە فیلمء درامای کوردیشدا بەشدار ببمء خۆمی پێوە هیلاک بکەم، بەهۆی ئەوەى ئێستا سەرقاڵی کاری شانۆییم بۆم دەرکەوتوە کە نواندن بەڕاستی بوارێکە کەخۆمی زۆر بەباشی تێدا ئەبینمەوە.

تۆ زیاتر وەک کچێکی روخۆش و دەم بەخەندە دەردەکەوی، ئەم روخۆشیەی تۆ چی هەستێکی لەلا دروست کردوی؟

زۆر سوپاست دەکەم، بەڵام بەخوا نازانم چۆن وەڵامی ئەو پرسیارە بدەمەوە، خۆم زۆر ئارەزوم پێکەنینە، هەمو کاتێک روخۆش بومء لەگەڵ هەمو کەسێک ئەتوانم بگونجێمء هەمو کەسێکم خۆش دەوێت.

خۆشترین یادگاری تۆ چییە؟

ئەم هاوینە ئەگەڕێمەوە بۆ کوردستان ئەوە ئەبێتە خۆشترین یادەوەریم.

ئەى ناخۆشترینیان؟

نامەوێت بەهیچ شێوەیەک بیر لەشتی ناخۆش بکەمەوە، بابڵێین ناخۆشترین یادەوەریم نییە.

ژیانی هاوسەریت پێک نەهێناوە، مەرجت چییە بۆ ئەوە کەسەى هەڵیدەبژێری؟

نەخێر ژیانی هاوسەریم پێک نەهێناوە، مەرجم بۆ ئەو کەسە ئەوەیە ئەبێت ڕاستگۆ بێت لەگەڵما، بە دڵێکی پاکەوە منی خۆش بوێتء هەتا مردن نازم هەڵگرێت.

ئەى ئێستا کەس لەژیانی تۆدا بەشدارە؟

بێگومان هەیە، هەمو شتێکی ژیان Ùˆ ئەم دونیایە بەخۆشی وناخۆشیەوە مانای خۆشەویستییە لەلای من، ڕاستە ژیان ناخۆشی Ùˆ  Ú©Û•Ù… Ùˆ کوری تێدا هەیە، بەڵام نابێت بیرمان بچێت Ú©Û• ژیان شتێکی زۆر پیرۆزەو زۆر کورتە، هەمو کاتێک ئەبێت Ù‡Û•ÙˆÚµ بدەیت بەخۆشی بژین هەمیشە رومان خۆشبێت.

خۆشەویستیت بۆ هونەر بو کە بەرنامەى چرا موزیک پێشکەش بکەیت یاخود تەنها ویستێک بو؟

بەڵێ خۆشەویستیم بۆ هونەر وایلێکردم بەرنامەى چرا موزیک هەڵبژێرم، لەهەمان کاتیشدا چرا موزیک ناوو ناوەڕۆکی زۆر جوانی هەیە.

ژیانی رۆژانەت چۆن دەبەیتە سەر؟

رۆژانە بە خوێندن Ùˆ  بەکاری موزیک Ùˆ  بەکاری شانۆیی Ùˆ بە ئارایشتگاو بە پرۆڤەو بە جوانکارییەوە سەرقاڵم، ماوەیەکە سەرقاڵی مۆڵەتی شوفێریم.

پێت وایە راگەیاندنی کوردی چۆن پێش دەکەوێت؟

ئەوەى ئەیبینم راگەیاندنی کوردی زیاتر هەر شتی ستانداردی ئەوێت، نایەوێت بگۆڕێتء گۆڕانکاری دروست بکات، بۆ نمونە 10 ساڵ لەمەو پێش چۆن بەڕێوە دەچو، ئەیەوێت هەر بەو شێوەیە بەردەوام بێت، سنورێک هەیە ئەبێت بشکێت، هەتا دەرفەت رەخساندن زۆر بێت، لەبەر ئەوەى راگەیاندن شتێکی پیرۆزەو راگەیاندنیش هونەرە، ئەبێت دەرفەت زۆر بێت تا هەر کەسەو بۆ شێوازی خۆی بتوانێت بەژدار بێتء سەرکەوتن بەدەست بهێنێت.

چۆن بو بویت بە ئەکتەری شانۆو لەکەیەوە کاری شانۆ دەکەیت؟

هیوام ئەوەبو رۆژێک لە رۆژان بێت من لەسەر شانۆ کاری نواندنء کاری گۆرانی وتن بکەم، بۆ ماوەى 2 مانگ ئەبێت شانۆیی بێ سنور توانیویەتی ئەو خەونەم بەدی بێنێت.

شانۆگەری بێسنور باس لەچی دەکاتء رۆڵی تۆ چییە لەم شانۆگەریەدا؟

شانۆیی بێسنور شانۆیەکی فرە کلتوریە، ئێمە هەوڵی ئەوە ئەدەین کلتوری کوردی ئاشنا بکەین بە کلتوری هۆڵەندا، زۆر کاری هاوبەشمان کردوە، ئەکتەرەکان پێکهاتەى کۆمەڵێک کلتوری جیاوازن، شانۆی بێ سنور لەساڵی 1994 لەلایەن بەکۆ سۆرانیاوی پێکهاتوەو ئەم گروپە خاوەنی چەند خەڵاتێکە لەسەر ئاستی ناوچەییء وڵاتدا.من لەو شانۆگەرییەدا کۆمەڵێک رۆڵی جیا جیا ئەبینم، لەوانە رۆژنامەنوس، فریشتەى بەهەشت، کچێکی پەناهەندەء کۆمەڵێک کاراکتەری جیاواز کە رۆڵەکانیان پیشان ئەدەن، چ شتێک ئەتواندرێت باشتر بکرێت لەکۆمەڵگای مرۆڤایەتیدا.

سه‌رچاوه‌:گۆڤاری هۆنیا