❤❤یـــانەی کوردژیـن/Kurd Zhin❤❤/ / ژیاننامەی 28 ژنی ناسراوی ئێستا و مێژوو

.

نازناو:  وشه‌ی تێپه‌ڕبوون:    |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07736993749 )

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447724242223) .

New Page 1

    بابه‌ته‌ گرنگه‌کانی به‌کارهێنانی یانه‌  

#1 2017-09-07 17:26:47

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-11-09
په‌یامه‌كان: 442
WindowsSafari

ژیاننامەی 28 ژنی ناسراوی ئێستا و مێژوو

&



&&



&&&



&&&&



&&&&&



&&&&&&



&&&&&&&















ژیاننامەی 28 ژنی ناسراوی ئێستا و مێژوو



















1/



لەیلا زانا






































ژنە سیاسەتمەداری گەورەی کورد لەیلا زانا



لە 3/5/1961 لە سیلوان سەر بەئامەد لەدایک بووە



ساڵی 1975  لە ژێر کاریگەری دابو نەریت لە کاتێکدا تەمەنی تەنها ١٤ ساڵ بوو هاوسەرگیری لەگەڵ مەهدی زانا قایمقامی ئامەد کرد



خاوەنی دوو منداڵن



هاوسەرەکەی لەساڵی ١٩٨٠ بۆ ١٩٩٠ زیندانی کراوە



لە سالى ١٩٨٨  له يلا زانا لة لايەن دةولةتى تورك دةستگيركرا و ئةشكةنجه درا



لە ڕۆژی ١٩٩١/١١/٦ لەیلا زانا بۆ یەکەم جار بووە ئەندامی پەرلەمانی تورکیا و بە زمانی کوردی سوێندی خوارد



له كۆتايى سوێندةكةى بة زمانى كوردى گوتى



“Ez vê sondê bo biratiya gelê kurd û tirk dixwim.”



ئةم سوێندة بۆ برايةتى گةلى كورد و گةلى تورك دةخۆم





هةر لةو كاتةدا لةلايةن پةرلةمانتارة نةتةوةپةرستةكان لةيلا به جوداخواز و تيروريست ناوهێنرا و هێرشيان كردة سةرى



جگە لە لەیلا زانا ٥ ئەندام پەرلەمانی دیکەی کورد بە کوردی سوێندیان خوارد کە بریتی بوون لە ئۆرھان دۆغان و سەلیم  ساداک و خەتیب دیجلە و زوبێر ئایدار و یەشار کایا



لە ڕۆژی ١٩٩٤/٣/٣ حەسانەی ئەندامێتی لە پەرلەمانی تورکیا لێسەندراوەیەوە



لە ڕۆژی ١٩٩٤/٣/١٧ دەستگیرکرا



لە ڕۆژی ١٩٩٤/١١/٨ لەیلا زانا، ئۆرھان دۆغان، سەلیم  ساداک و خەتیب دیجلە حکومدران بە زیندانی کردن بۆ ماوەی ١٥ ساڵ و ئەندامێتی پەرلەمانیان لێسەندرایەوە و زوبێر ئایدارو یەشار کایاش تورکیایان جێهێشت



ئةگةر چى بةهۆى بارى تةندروستى بريارى لێخۆشبوون بۆ له يلا زانا دةركرا  بةڵام له يلا بريارةكةى پةسةند نةكرد و گوتى دةبێت بريارةكة هاوڕێيانيشم بگرێتةوة



یەکێتی ئەوروپا زۆرجار داوای ئازادکردنی لەيلا و هاوڕێكانى  کرد و بۆ جەختکردنەوەی داواکەشی ساڵی  ١٩٩٥  خەڵاتی  ساخارۆفی  یەکێتی  ئەوروپای بە له یلا زانا بەخشی بەڵام بە ھۆی  زیندانیبوونی  تا ساڵی  ٢٠٠٤ نەیتوانی  ئەو خەڵاتە وەربگرێت



لە نێوان ساڵەکانی  ١٩٩٥ تا ١٩٩٨ کاندیدکرا بۆ وەرگرتنی  خەڵاتی  ئاشتی  نوبل



کە لە زیندان دابوو، پەرتووکێکی بڵاو کردەوە لە ژێر ناوی '' نووسین لە زیندان ''



ڕێكخراوي ئةمينستى ئينتةرناشنال ناوى ``زيندانى ويژدان``ى له لةيلا نا



ساڵی ٢٠٠١ دادگای مافی مرۆفی ئەورووپادەنگی بە ھەڵوەشاندنەوەی سزای زیندانیکردنی چوار پەرلەمانتارە کوردەكةی دا بەڵام تورکیا دەنگی ئەم دادگایەی بە ڕەسمی نەناساند



سالى ٢٠٠٢ فيلمێك لةسةر بارودۆخى لةيلا زانا بة ناوى ``Back to the world`` يان گةڕانةوة بۆ ژيان بةرهةمهێنرا



لە ڕۆژی ٢٠٠٤/٦/٨ دا لەیلا و هاوڕێیانی له ژێر فشارى يه كێتى ئةوروپا پێش تةواوبوونى ماوةي زينندانيةكةيان  لە زیندان ئازادکران



له سالى ٢٠٠٤ له بروكسل-بلجيكا خه ڵاتى ساخاروفى پێبةخشرا و بة زمانى كوردى لة يةكێتى ئةوروپا وتارێكى پێشكةشكرد



لە کانونی دووەمی ساڵی ٢٠٠٥ی زایینی، دادگای مافی مرۆڤی ئەورووپا بڕی ٩٠٠٠ يەورۆی لةسةر حسابى توركيا بە لەیلا و هاوڕێیانی بەخشی



لە ساڵی ٢٠٠٧ی زایینی را لەیلا زانا وەک چالاکوانی مافی مرۆڤ لە تورکیا لە حیزبی پارتی ئەنجومەنی دێموکراتیک دەستی بەکار کرد



ساڵی ٢٠٠٨ بۆ ماوەی دوو ساڵ زیندان لە لایان حکومەتی تورکیا مەحکوم کرا بە تۆمەتی ئەوە کە چەمکی تێرۆریزمی بڵاو کردۆتەوە بە وتنی ئەوەی کە



کوردەکان سێ سەرۆکیان هەیە، مەسعود بارزانی و جەلال تاڵەبانی و عەبدۆللا ئۆجالان بەڵام جێبەجێنەکرا



لە کانونی یەکەمی ٢٠٠٨ی زایینی حوکمی ١٠ ساڵ زیندان بۆ لەیلا زانا لە لایان دادگای تورکیاوە بڕاوە بەڵام جێبەجێنەکرا



لە کانونی یەکەمی ساڵی ٢٠٠٩ دەتەپە بە تاوانی پێوەندی دەگەڵ پەکەکە قەدەغە کرا و و لەیلا زانا و ئەحمەد تورک و ئایسەل تووغلوک و نورەددین دەمیرتاش و سەلیم ساداک و ٣٠ سیاسەتوانی دیکەی کورد بۆ ماوەی ٥ ساڵان چالاکی سیاسیان لێ قەدەغە کرا



لە  ٧/٤/٢٠١٠   دادگای تورکیا لەیلا زانای بە تۆمەتی بڵاوکردنەوەی فکری تێرۆریستی بۆ ماوەی ٣ ساڵ حوکمی زیندان داوە بەڵام لە دواییدا بە هۆی پشتیوانی نەتەوەی کورد و پێداچوونەوەی حوکمی دادگا، لەیلا ئەو سێ ساڵەی لە سەر لاچوو



لە ٢٤/٥/٢٠١٢  لەیلا زانا لە لایەن لقی پێنجی دادگای سزای باڵای دیاربەکر بە تۆمەتی پاڵپشتی لە پەکەکە بە ١٠ سال زیندان حوکم دراوە بەڵام جێبەجێنەکرا



مةسعود بارزانى جارێك ڕايگةياند  ڕازيية بةوةى له يلا زانا سەرۆكى ئةنجومةنى كونگرةي نةتةوةيي كورد بێت



لە هەڵبژاردنەکانی ٢٦هەمین خولى پەرلەمانى تورکیا لە ١/١١/٢٠١٥ لەسەر لیستى پارتى دیموکراتیکى گەلان (هەدەپە) لە پارێزگای ئاگری خۆى بۆ پەرلەمان پاڵاوت و بۆ جاری دووەم لەو پارێزگایەوە بۆ ئەندامێتیى پەرلەمان هەڵبژێردرایەوە



لە  ١٧/١١/٢٠١٥ لەیلا زانا پەرلەمانتاری پەرلەمانی تورکیا لەسەر لیستی (هەدەپە) لە میانی یەکەمین دانیشتنی ٢٦مین خولی پەرلەمانی تورکیا بۆ سوێندخواردنی پەرلەمانتاران بە زمانی کوردی سوێندخواردنەکەی دەست پێکرد و وتی





"هیوام ئاشتییەکی شەرافەتمەندانە و هەمیشەییە"



“Bi hêviya aşitiyek bi rûmet û mayînde.” 





وشەی گەلی تورکی مەزنی گۆڕی بۆ گەلی تورکیای مەزن



لە ئێستادا ئەندامی پارتی دیموکراتی گەلانە و دوای هێرشی ناڕەوای ئەردۆغان بۆ سەرهەدەپە و دەستگیرکردنی هاوسەرۆکانی هەدەپە ( سەلاحەدین دەمیرتاش و و فیگەن یوکسەکداغ ) و ئەندامانی هەدەپە لەیلا زاناش چەند جارێک دەستگیرکرا







خەڵاتەکانی لەیلا زانا



ساڵی  ١٩٩٥ لە لایەن یەکێتی  ئەوروپاوە خەڵاتی  ساخارۆفی  پێبەخشرا بەڵام بە ھۆی  زیندانیبوونی  تا ساڵی  ٢٠٠٤ نەیتوانی  ئەو خەڵاتە وەربگرێت



خەڵاتی  دەزگای  رافتۆی  نەرویجی  بۆ ئاشتی  لە ساڵی  ١٩٩٤ وەرگرتووە. ساڵی  ١٩٩٦ خەڵاتی  ڤاڵدۆستی  ئیتاڵی  بۆ مافی  مرۆڤی  وەرگرت



ساڵی  ١٩٩٦ خەڵاتی  ئاخنی  ئەلمانی  بۆ ئازادی  رادەربڕین پێبەخشراو



لە شاری  رۆمای  ئیتاڵی  رەگەزنامەی  فەخری  ئەو وڵاتەی  پێبەخشرا



ساڵی  ٢٠٠٨ خەڵاتی  خوان ماریا باندریسی  ئیسپانی  بەخشرایە لەیلا زانا



































2/

لەیلا قاسم



لەیلا قاسم حەسەن کچە تێکۆشەری کورد ناوی دایکی عسمەت حەسەنە و ساڵی ١٩٥٢لە گوندی بامیلی سەر بە شاری خانەقین لەدایکبووە  لەیلا قاسم بۆ یەکەم جار لە ساڵی ١٩٥٨ لە شاری خانەقین چووەتە بەر خوێندن و قۆناغەکانی سەرەتایی و دواناوەندی لەم شارە تەواو کردووە وساڵی ١٩٧١ لە خانەقینەوە ماڵیان گواستۆتەوە بۆ بەغدا لەیلا لە ساڵی ١٩٧١دا لە بەشی کۆمەڵناسی کۆلێژی ئادابی زانکۆی  بەغدا وەرگیراوە ساڵی ١٩٧٠لەڕێگای سەلام قاسمی برا گەورەکەیەوە پێوەندی بە بزاڤی سیاسیی نەتەوەکەیەوە کردووە و لەنێو ڕیزەکانی 'یەکێتیی قوتابیانی کوردستان' خەبات و تێکۆشانی بەڕێوەبردووە لەیلا قاسم لەگەڵ یەکێک لە ھاوڕێکانی خۆی بە ناوی جەواد  ھەمەوەندی بەیەکەوە خەبات و چالاکییان دەکرد، لەیلا ھەر بەڕێگەی جەوادیشەوە بۆ ماوەیەک ناوچەکانی باشووری کوردستان چووە نێو ڕیزەکانی پێشمەرگەوە. ھەروەھا لەیلا و جەواد لە سەرەتای ساڵی ١٩٧٤ بەیەکەوە لێکۆڵینەوەیەکی زانستییان لەسەر کۆمەڵگەی کورد ئەنجامدابوو و لە دەرفەتێک دەگەڕان کە بڵاوی بکەنەوە بەڵام لە شەوی ٢٨/٢٩ ی نیسانی ١٩٧٤ دا لەیلا قاسم و چوار لە ھاوڕێکانی دەستگیرکران و دەستنووسی لێکۆڵینەوەکەشیان لەلایەن سیخوڕەکانی حکومەتی عیراقەوە لەناوبردرا



لە ڕۆژی ١٩٧٤/٥/١٢دا لەیلا قاسم و  ھاوڕێکانی  بە ناوەکانی جەواد ھەمەوەندی، نەریمان فوئاد مەستی، حەسەن  حەمەڕەشیدو ئازاد سلێمان میران لە سێدارەدران ولە گۆڕستانی مقبر النجف الاشرف لە نەجەف نێژران



لەیلا قاسم کچێکی چاونەترس و زیرەک بوو؛ لەڕووی وەڵامی پرسیارەکانی بەڕێوەبەری دەزگای ھەواڵگری بەعسدا بێ باکانە ڕایگەیاندبوو: "بە کوشتنی من ھەزاران کورد لە خەوی نەزانی وشیار دەبنەوە ، زۆر خۆشحاڵ و سەربەرزم کە گیانم فیدای ڕێی ڕزگاری کوردستاندا دەکەم " ھەموو ئازار و ئەشکەنجەیەک نەیتوانی بڕیاری پەشیمانی بە لەیلا دەربڕێت"



سەلام قاسمی، برای لەیلا قاسم، بە ماوەیەک دوای لەسێدارەدانی لەیلا ھەر لە بەغدا لەلایەن بەعسییەکانەوە تیرۆرکرا. تاوانی سەلام قاسم تەنیا ئەوە بووە کە وێنەی لەیلای خوشکی ناردبوو بۆ دەستی قوتابیانی کورد و ئەندامانی یەکێتیی قوتابیانی کوردستان لە دەرەوەی وڵات




















3/

شیرین



شیرین عەلەم هولی کچە تێکۆشەر کورد لە 3/6/1981 لە گوندی دیمشقڵاقی شاری ماکۆ لە ڕۆژهەڵاتی وڵات لە دایک بوو ، ساڵی  2006 لە ڕیزی پارتی ژیانی ئازادی کوردستان بەژداری تێکۆشان دەبێت ،لە ڕۆژی 26/5/2008 لە دژی سوپای ئێران چالاكیەك لە فرۆكەخانەی تەهران بەشێوەیەكی سەركە وتوانە ئەنجامدەدات ، لەكاتی گەڕانە وەیدا لە لایەن رژێمی ئێرانە وە دەستگیر دەكرێت دوای بەرخودانیەكی بێ وێنە لە زینداندا لە رۆژی جیهانی دایكدا و لە   9/5/2010   لەگەڵ چوار هەڤاڵی خۆی(فەرزاد کەمانگەر-فەرهاد وەکیلی-مەهدی ئیسلامیان-عەلی حەیدەریان ) لەسێدارە دران ، چەند مانگێکی کەم دوای لە سێدارەدانی ، شێرکۆ بێکەس لە ساڵی 2011 بەرهەمێکی خۆی بەناوی (ئێستا کچێک نیشتیمانمە) بڵاوکردەوە و پێدەچێت مەبەستی شێرکۆ لەو کچە جگە لە شیرین کەسی دیکە نەبووبێت





شێرکۆ بێکەس بۆ شیرین عەلەم هوولی



”لە راستيدا ئيمە ژيانين و گەنجەكانمان ئايندەن و نابرێننەوە..



ئێمە چياين.. ناگوێزرێينەوە...



ئێمە شێعرين، وشك ناكەين..



باهۆزين، نانوشتێينەوە...



زاوزێی ئازاديی گەلين، كۆتاييمان هەر بۆ نيە و ئێمە ژيان خۆين، ناتوێينەوە...”.



”سێدارەكان بەزيون و ئێمە هەر ماوين..



كۆماری سێدارەی ئيسلامی ئێران



پير پير بووە و



بەڵام ورەی ئێمە هەر گەنج.



كۆماری سێدارەی ئيسلامی خوار خوار بوەتەوە و



بەڵام ئێمە تازە وا خەريكين لە ملەی بەرزەوە



دەست بۆ خۆر بەرين و داييگرينە سەر ئەرز..”.



”دە فەرموون



مەهێڵن باران ببارێ و مەهێڵن گيا سەوز بێ و



مەهێڵن زەوی بژی!



من ئيتر لەمڕۆوە عاشقی چاوانی (شيرين عەلەم هوولی)



لەمڕۆوە هەر چی شيعرم هەيە ئەيانكەم بەگوڵی گۆرانی بۆ باڵای (شيرين عەلەم هوولی)(..



لە ئێستەوە من تاڵێ لە قژی ئەوم..



لە ئێستەوە من نينۆكی پەنجەی ئەوم..



لە ئێستەوە من ئيتر ئەبمە ئەو جووتە پێڵاوەی



كە لە دواجار لە پێی كردوو پێی چووە سەر سێدارە و



لە ئێستەوە من بازنەی بەجێ ماوی دەستی(شيرين عەلەم هوولی)م..”.


”كۆماری سێدارەی ئيسلامی

چی لە سێدارە نەدا، لە خەونەوە بۆ شێعر و

لە شێعرەوە بۆ ژن و لە ژنەوە بۆ نان و

بۆ ئاو و بۆ گوڵ و بۆ كانی

كۆماری سێدارەی ئيسلامی

ئەوەی ناتوانێ هەرگيز هەرگيز لە سێدارەی بدا

ئايندەيە و ئازادی..”.

















4/

زەکیە ئاڵکان



کچە کوردی زازاکی باکوری کوردستان ساڵی 1965 لە شاری دێرسیمی باکوری وڵات لەدایکبووە ، زەکیە خوێندکاری کۆلێژی پزیشکی بووزانکۆی دیچلە بوو لە شاری ئامەد بوو ، زەکیە بەژداری زۆربەی ناڕەزایەتیەکانی دژ بە ڕژێمی تورکیا دەکرد ، کاتێک لە نەورۆزی  1990 کردنەوەی ئاگری نەورۆزی قەدەغە کرد زەکیە وەک هێمایەک بۆ یادکردنەوەی نەورۆز ئاگری لە جەستەی خۆی بەردا و دواتر گەیەندرایە نەخۆشخانەی ئەنقەرە و چەند ڕۆژێک بە بێهۆشی مایەوە ، پۆلیسی تورک هەوڵی دا ڕاستی ڕووداوەکە ئاشکرا نەبێت ، دواجار لە 30/3/1990 لە کاتێکدا لە دەرەوەی نەخۆشخانەکە 5 هەزار خوێنکار خۆپیشاندانیان دەکرد زەکیە گیانی لەدەستدا














5/

حەپسەخانی نەقیب



حەپسە مەعرووف بەرزنجی لە 1881 سلیمانی لەدایک بووە ،ئامۆزا و ژن برا شێخ مەحمود،ماڵەکەی خۆی کردبووە خوێندنگا بۆ ئافرەتان،لە ٢٨ی حوزەیرانی ١٩٣٠یەکەمین کۆمەڵەی ژنان بە ناوی کۆمەڵەی  ئافرەتانی کوردبە  سەرۆکایەتیی حەپسەخانی نەقیب دامەزراوە ساڵی ١٩٣٠نامەیەکی سیاسیی مێژوویی بۆ ڕێکخراوی کۆمەڵەی نەتەوەکان لە جنێف نووسی و ڕاشکاوانە داوای مافی کوردی کرد لەسەر خاکی کوردستان ،کاتێک کە کۆماری مەھاباد دامەزرا، حەپسەخان بە ھەموو توانایەکی دارایی پشتگریی ئەو کۆمارەی کرد قازی  موحەممەد سوپاسنامەیەکی تایبەتی بۆ نارد و ڕێزێکی زۆری لێنا ،لە تەمەنی ٦٢ساڵیدا، لە ڕۆژی ١٢ی  نیسانی ١٩٥٣، بە نەخۆشی شێرەپەنجە گيانى له ده ستدا و لە گردی سەیوان لە شاری سلێمانی بە خاک سپێردرا














6/

نادیە موراد



نادیە موراد باسێ تەها لەدایکبووی ١٩٩٣ ,لە 15/8/2014 گوندەکەی کۆچۆ داگیرکراو خۆی کەوتە دەستی داعش و دایکی و شەش برای کوژران لە 14/9/2014 ئازادکرا،دواتر چووە ئەڵمانیا بۆ چارەسەری پزیشکی و لە ڕێگەی پارێزەرێکەوە چیرۆکەکەی بڵاوبوەوە ،لە رۆژی 16-9-2015 لە دانیشتنێکی تایبەتدا لە ئەنجوومەنی ئاسایشی نێودەوڵەتی گوتارێکی پێشکەشکرد دواتر بە زمانی کوردی لە کۆنگرێسی ئەمریکا چیرۆکی خۆی گێڕایەوە ، لە 16/8/2016 كرا به باڵیۆزی نیازپاکی  نەتەوە یەکگرتوەکان و لە 13/12/2016 خەڵاتی ساخارۆفی لەگەڵ لەمیا بەشار کچە کوردی ئێزدی پێبەخشرا





























7/

نێفەر تیتی



کچە کورد و شاژنی میسر ، کچی تشراتا پادشای میتانیەکان لە ساڵی 1381پ.ز لە دایک بووە، لە 1366پ.ز شووی بە ئەخناتونی مسر کرد  کە لە 1370پ.ز بوو بوو بە فیرعەون . لە ساڵی 1360پ.ز تشراتا لە لایەن کوڕەکەیەوە دەکوژرێت و  ئەخناتونیش لە 1349پ.ز لە لایەن سینۆهە کە پزیشکی تایبەتی بوو کوژرا ، پەیکەرە بەناوبانگەکەی لە مۆزەخانەی میسر لە بەرلین دانراوەلە تەمەنی گەنجیدا مرد












8/

شازادە دایانا








دایانا فرانسیس سپێنسەر  1/7/1961  لە نۆرفۆک-ئینگلتەرە  لەدایکبوو ، لە 29/7/1981  هاوسەرگیری لەگەڵ پادشای داهاتووی بەریتانیا(شازادە چارلس) کرد لە کڵێسای وێستمنستەر ئەیبی کە 600هەزار کەس لەدەرەوەی کڵێساکە و زیاتر لە 700ملیۆن کەس لە تەلەڤیزیۆنەکانەوە بینەری ئاهەنگەکە بوون لە كاتێكدا دايانا 20 ساڵ بوو و چارلس 33 ساڵ بوو ، لە 21/6/1982 شازادە ولیام و  لە 15/9/1984 شازادە هاری لە دایکبوون ، لە ساڵی 1992 ەوە بە جیا دەژیان و لە 28/8/1996 بە ڕەسمی جیابونەوە ، دایانا لە 1989 ەوە دەستی کردبوو بە کاری خێرخوازی وەک یارمەتیدانی ڕێکخراوە خێرخوازیەکان و یارمەتی بێ نەوایان و نەخۆشانی ئایدز و قوربانیانی مین و ڕێکخراوەکانی پوچەڵکردنەوەی مین لە ئەنگۆلا و و دامەزراندنی قوتابخانە لە وڵاتە هەژارەکان و بەهۆيەوە هاوڕێيەتيەكى نزيكى لەگەڵ (مايكڵ جاكسۆن و نيلسۆن ماندێلا و دايكە تێريزا) ‏دروست كرد . لە کاتی (قەسابخانەکەی بۆسنە) یارمەتی موسڵمانانی بۆسنەی دا و لە کاتی کۆڕەوە مەزنەکەی (کوردانی باشور) لەگاڵ سەرۆک وەزیر جۆن مەیجەر و لە (12/5/1991) بەژداری ئاهەنگێکی گەورەی کرد کە لەلایەن ناودارترین گۆرانیبێژانی ئەو کاتە لە یاریگای (وێمبڵی-لەندان) سازکرابوو و داهاتەکەی نزیکەی  (75 بۆ 125 )ملیۆن دۆلار بوو نێردرا بۆ پەنابەرانی کورد ، لە 31/8/1997 لە (پاریس-فەرەنسا) لە لایەن دەزگای هەواڵگری (ئیسرائیل-بەریتانیا-فەرەنسا) بە ئاگاداری شاژن ئیلیزابێس کوژرا هۆکاری کوشتنی دایانا ئەوەبوو کە ئەگەر چی هەڵگری ناوی شاهانەیی بوو بەڵام ویستی هاوسەرگیری لەگەڵ (دۆدی فاید) کە موسڵمانێکی میسری بوو بکات هەروەها هۆکاری بەژداری دەزگای هەواڵگری ئیسرائیل ئەوەبوو کە گومانی موسڵمانبوونی دایانا هەبوو کاتێک پێشتر ویستبووی هاوسەرگیری لەگەڵ (هسنات خان) بکات کە دکتۆرێکی پاکستانی موسڵمان بوو ، لە 6/9/1997 لە کڵێسای وێستمینستەر ڕێوڕەسمى ناشتنى  بەڕێوە چوو و 2.5 ملیار کەس لە جیهان بینەری ڕێوڕەسمەکە بوون و هەر هەمان ڕۆژ دایانا لە گۆڕستانی بنەماڵەی سپێنسەر نێژرا لە 9/4/2005 شازادە چارلس هاوسەرگیری لە گەڵ کامیلا پارکەر کرد کە هۆکاری تێکچوونی پەیوەندیەکانی چارلس و دایانا بوو لە ڕابردوودا ، لە 31/8/2007  یادی 10 ساڵەی کوشتنی دایانا کرایەوە بە ئامادەبوونی  ئەندامانى شاهانەيى و ئێڵتۆن جۆن(گۆرانیبێژ) و کلیف ڕیچارد(گۆرانیبێژ) وماریۆ تێستینۆ(وێنەگر) و گۆردۆن براون(سەرۆک وەزیران) و جۆن مەیجەر(سەرۆک وەزیران) و تۆنی بلێر(سەرۆک وەزیران)بەڵام  کامیلا(دووەم ژنی چارلس)  ئامادە نەبوو
















9/

مەلالە



مەلالە یوسف زای لە 12/6/1997 لە پاکستان لەدایک بووە،2010 جیاواز لە 61ملیۆن کچی وڵاتەکەی دەستی بە خوێندن کرد ، دوای چەندین هەڕەشە لە 9/10/2012 لە کاتی گەڕانەوە لە قوتابخانە لە لایەن تاڵیبان بە سەختی بریندار کرا و نێردرا بۆ نەخۆشخانەی (بێرمینگهام-بەریتانیا) لە 4/6/2013 نەخۆشخانەی بێرمینگهامی جێهێشت،دواتر لە بەریتانیاوە دەستی کرد بە هەوڵدان بۆ مافی خویندنی کچانی جیهان ،لە 2013 کتێبی ژیانی خۆی بە ناوی من مەلالەم بڵاوکردەوە و نزیکەی 2 ملیۆن کتێبی لێ فرۆشرا،2013/10/10 خەڵاتی ساخارۆفی لە لایەن یەکێتی ئەوروپا پێبەخشرا، خەڵاتی نۆبڵی بۆ ئاشتی ساڵی 2014 بردەوە












10/

دایکە تێریزا



ئانگێس گونکسا بۆجاکسیۆ ساڵی 1910 لە سکوبچی پایتەختی مەقدۆنیا لەدایک بوو ،ساڵی 1937 بەڵێنیدا ببێتە ڕاهیبە بۆ خزمەتکردنن نەداران و بڕیاری دا نازناوی تێریزا بۆ خۆی هەڵبژێرێت ، لە شاری "کالکوتا" لە هێند وەک بەڕێوبەر کاری دەکرد ،بەڵام بینینی نەخۆشان و مردووان لەسەر شەقامەکان کارەکەی پێ گۆڕی ، ساڵی 1948 ئۆفیسێکی کردەوە بۆ یارمەتی نەخۆشەکان. ساڵی 1950 بە یارمەتی هاوکارەکانی گروپێکی خێرخوازیان دامەزراند و دایکە تێریزا بووە سەرۆکیان ، ساڵی 1952 لە "کالکوتا" خانویەکی بە ناوی "دڵی خاوێن" کردەوە بۆ ئەو کەسانەی لە سەرەمەرگدا بوون ، ساڵی 1979 خەڵاتی نۆبڵی ئاشتی وەرگرت ، لە 5/9/1997 کۆچی دوایی کرد












11/

جەی کەی ڕۆولینگ



جوانی ڕۆلینگ لەدایکبووی 31/7/1965 لە بەریتانیا ، ڕۆماننوسی بەریتانییە کەبەرهەمەکانی لەجۆری تراژیدیا و کۆمێدیا و تاوانی و فەنتازیایە بەرهەمەکانی لە پڕفرۆشترین ڕۆمانەکانن . جەی کەی ڕۆولینگ هەڵگری بڕواننامەی بەکالۆریۆسە لەزانکۆی ئێکستەر لە بەشی هونەر لە ساڵی 1986. لە تەمەنی 6 ساڵی یەکەم چیرۆکی خۆی بەناوی کەروێشک نووسی . زنجیرە کتێبی هاری پۆتەر یەکێکە لەباشترین کارەکانی ئەو و نزیکەی ٤٠٠ ملیۆن کتێبی  لێفرۆشراوە ، بیرۆکەی لە ساڵی  1990 لە ناو شەمەندەفەردا بۆ هات .یەکەم بەشی لە 1994 نوسی و لە 1997 لە بەریتانیا بڵاوکراوە. لە 1998بەشێکی تری یەکەم بەشی نووسی  .  لە 1999 دووەم بەش لە ئەمریکا و دواتر بەریتانیا بڵاوکرایەوە ،لە 1999  سێیەم  بەش لە بەریتانیا بڵاوکرایەوە و لە 2000 چوارەم بەش لە بەریتانیا بڵاوکرایەوە،لە 2007 کۆتا بەشی بڵاکردەوە کە بەشی 7 بوو لە ئەمریکا لە ماوەی  24 سەعاتدا 8.3 ملیۆن کۆپی لێ فرۆشرا،لە 2009  لە لایەن نیکۆلا سارکۆزی سەرۆکی فەرەنسا خەڵاتکرا و ،ڕۆلینگ لە ساڵی 2003 ەوە ملیاردێرە





















12/

زەها حەدید



زەها محمد حەدید لە 13/10/1950 لە بەغداد لەدایکبووە،شاژنی دیزاین و گەورەترین ژنە تەلارسازی مێژووە ، ناوی لە لیستی ژنە بەهێزەکانی تایم  و فۆربسدا لە پێشەوەیە ،ساڵی  1971 بڕوانامه ی به كالۆریۆسی لە ماتماتیک لە زانكۆی  ئه مه ریكی له به یروت به ده ستده هێنێت ، دواتر پێوەندی دەكات بە گرووپی تەلارسازی لە لەندەن،ئەو جگە لە دیزاینی باڵاخانە دیزاینی جلوبەرگ و پێڵاو و كەشتیشی كردووە، لەڕووی ئەکادیمیشەوە لە زۆر زانکۆ گەورەکانی جیهاندا وەکو ئوستازێکی گەورە وانەی دەگووتەوە، لەوانە زانکۆی هاردڤارد و کۆڵۆمبیای ئەمریکا ،زەها حەدید لە روژی 31/3/2016 لە شاری مەیامی لە ویلایەتە یەکگرتووەکان کوچی دوایی کرد ، نرخی  ئه و مێزه ی  كاری  له سه ر ده كرد 380 هه زار دۆلاربوو هەروەها دوای مردنی 85ملیۆنی وەک میراتی لەپاش خۆی جێهێست بەڵام میراتگری نەبوو و بە پێی وەسیەتی خۆی بەسەر کەسە نزیکەکەکانی دابەشکرا





خەڵاتەکانی



زەها تا ئێستا 16 خه ڵاتی  نێوده وڵه تی  به ده ستهێناوه ، ئه و یه كه م ژنه  دیزانه ری  بیناسازه  كه  توانی  ساڵی  2004 خه ڵاتی  "پریتكزكر" بباته وه  كه  به "خه ڵاتی  نۆبڵی  بیناسازیی " ناوده برێت ،ساڵی  2016 مه دالیای  زێڕینی  پاشایه تی  به ریتانیای  پێببه خشرا ، ساڵی 2010یش خەڵاتی ستیرلینگی ی بردەوە كە یەكێکە لە گرنگترین خەڵاتەكانی ئەندازەی تەلاسازییە







دیزاینەکانی



باڵاخانەی سەرەکی  کۆمپانیای BMWلە ئەڵمانیا



گەورەترین سەنتەری بازاڕکردن لە جیهاندا لە چین



گه وره ترین فڕۆكه خانه ی  جیهان له په كین كه  45 ملیۆن گه شتیار ساڵانه  گه شتی  لێوه  ده كەن



زەها زیاتر له 1000 پڕۆژه ی سه رنجڕاكێش و گه وره ی  له 44 وڵاتی جیهاندا دیزاین كردوه ، له وانه



گەورەترین یاریگای ئۆلەمپیادی لە ژاپۆن کە بڕیارە بۆ ساڵی 2020 ئامادەبێت



دروستکردنی باڵەخانەی  ئۆپێرا لە بەرلین و هۆنگ کۆنگ



دورستکردنی باڵەخانەی  سەنتەری یاریە ئاویەکان لە شاری لەندەن، کەلە ساڵی 2012 ئۆڵۆمپیاتی جیهانی تێدا سازکرا



هەروەها دروستکردنی باڵەخانەی سەنتەری تەکنەلۆژی لە شاری ڤۆلفسبۆرگی ئەڵمانیا



دروستکردنی یاریگای تۆپی پێ له  وڵاتی قه ته ر که  وابڕیاره  بۆ یاریه کانی جامی جیهانی ساڵی 2022 به کاربێت



سەنتەری رۆشنبیری لە ئازەربایجان



مۆزەخانەی راینهۆڵد میسنەر لە ئیتاڵیا



باڵاخانەی كۆمەڵگەی بازرگانیی گالاكسی لە پەكین



هونه ره  هاوچه رخه كانی  رۆما



ویستگه ی  شه مه نده فه ری  ستراسبۆرگ له ئه ڵمانیا



سه نته ری  عه لیێف له باكۆ - ئازه ربایجان



پردی  ئه بوزه بی  له ئیمارات



یاریگای  ستادیۆمی  قه ته ری  تایبه ت به مۆندیالی  2022



یاریگای ستادیۆمی  ئۆڵۆمپی  له  له نده ن



خانه ی  ئۆپرا له چین



میترۆی  ریاز



مۆزه خانه ی  ماكسی  له رۆما



بینای  شانێل له نیۆرك



به نده ری  سالیرنۆ له ئیتاڵیا













































.



















.

دواترین جار ده‌ستكاری كراوه‌ له‌لایه‌ن Arkan Salah (2017-09-12 15:02:09)

Kurdzhin

http://www.webchinupload.com/f/2017-09/9e776c4beaa552ce6026711040bdd910.jpg

له‌سه‌ر هێڵ نی‌یه‌

 

#2 2017-09-07 18:26:43

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-11-09
په‌یامه‌كان: 442
WindowsSafari

Re: ژیاننامەی 28 ژنی ناسراوی ئێستا و مێژوو

13/

هێلین کلێر



هێلین کلێر لە 12/6/1880 لە ولایەتی ئەلاباما لە ئەمریکا لەدایک بووە ، تەنها تەمەنی 19 مانگ بوو کە چاوەکان و گوێیەکانی بە تەواوی لەدەستدا ، کاتێک ببو بە 7 ساڵ خانەوادەکەی ڕاهێنەرێکیان بە ناوی "ئان سۆلیڤان" بۆ هێنا ، ئان سۆلیڤان توانی هێلین فێری نوسین بکات ، دوای 15 ساڵ ئان توانی هێلین فێری خوێندنەوەی نوسیینی زبر بکات ، دواتر هێلین فێری ئەوەبوو لەڕێگەی دەستدان لە لێوی مرۆڤ بزانێت چی دەڵێن ،دوا جار هێلین فێری قسەکردنیش بوو ،ساڵی 1894 هێلین چووە خوێندنگای "راست هامسۆن" لە نیویۆرک ، ساڵی 1904 خوێندنی لە کۆلێژی "گراد کلیف" تەواو کرد و هەر لەوێ چیرۆکی ژیانی خۆی بە ناوی "چیرۆکی ژیانم" نووسی ساڵی 1932 هێلین بە جێگری سەرۆکایەتی ئەنستیتوی نەتەوەیی پاشایەتی بەریتانیا بۆ کوێران هەڵبژێردرا ، هێلین بنیاتی ئەمریکاییەکانی بۆ کوێران دامەزراند  بووە یەکێک لە لایەنگرانی سۆسیالیستان و مافی دەنگدانی ژنان ، (بیرت نەچێت هێلین سەرجەم ئەم کارانەی بە بێ چاو و گوێ ئەنجامدا) سەرئەنجام لە ساڵی 1968 کۆچی دوایی کرد و بۆ ڕێزلێنان لێی ڕێکخراوێکی نەتەوەیی ئەمریکی بە ناویەوە نرا












14/

ئان سۆلیڤان مەکی (مامۆستای هێلین کلێر )



ئانسۆلیڤان مەکی لە 14/4/1866 لە ولایەتی ماساچوستی ئەمریکا لەدایک بوو ، ناوە ڕاستیەکەی " جوانا " بوو ، لە تەمەنی 8 ساڵی دایکی و لە تەمەنی 10 ساڵی باوکی کۆچی دواییان کرد و دوای ماوەیەکی کەم هەردوو چاوی لەدەستدا ، لە ساڵی 1880 لە ئەنستیتۆی "پێرکتیس" بە نشتەرگەری چاوێکی بۆ گەڕایەوە ، ساڵی 1887 خوێندنی تەواو کرد ،لە مانگی ئاداری 1887 بوو بە مامۆستای هێلین کلێر ، توانی هێلین فێری نوسین و خوێندنەوە بکات ، ساڵی 1905 ژیانی هاوسەرگیری لەگەڵ "جان ئا مەکی" پێکهێنا بەڵام لە 1913 جیابونەوە،لە ساڵی 1935 دووبارە بۆ هەمیشە هەردوو چاوی لەدەستدا و  لە 20/10/1936 کۆچی دوایی کرد














15/

وزیتیان



ساڵی 618ز لیشی مین ئیمپراتۆریەتی  تانگی لە چین دامەزراند کە  50ملیۆن دانیشتووی هەبوو . باوکی بە نازناوی گاوزۆ لە ساڵی 618 بوو بە ئیمپراتۆر و لە 626 مرد . دواتر لی شی مین بە نازناوی تایزۆنگ لە 626 بوو بە ئیمپراتۆر و خۆشەویستەکەی ناوی وزیتیان بوو بەڵام لە 649  لە شی مین مرد و کوڕەکەی کە ناوی "لی ژی" بوو بە نازناوی گاوزۆنگ لە 649 بوو بە ئیمپراتۆر ، وزیتیان کە لە 17/2/624  لە دایک بووە توانی بە جوانیەکەی سەرنجی "گاوزۆنگ" ڕابکێشێت و ببێتە ساژن ، لە ساڵی 661 تانگ توانی کۆتایی بە دەسەڵاتی کۆتا پاشای بایکجی"پونجانگ" بهێنێت و بایکجی بڕوخێنێت و لە 668 تانگ توانی کۆتایی بە دەسەڵاتی کۆتا پاشای گۆریۆ"بۆجانگ" بهێنێت و گۆریۆ بڕوخێنێت و وزیتیان ڕۆڵێکی گرنگی لەو داگیرکردنە هەبوو ، لە ساڵی 683 "گاوزۆنگ" مرد و وزیتیان دەستی بەسەر دەسەڵاتدا گرت و ماوەی 7 ساڵ بە سەرجەم دەسەڵاتەکانی ئیمپراتۆرەوە حوکمڕانی تانگی دەکرد و لە 690 بە فەرمی بوو بە تاکە ژن لە مێژووی چیندا کە ببێتە ئیمپراتۆر ، لە ساڵی 695 گۆریۆ و بایکجی لە ژێر سەرکردایەتی " دای جۆ یۆنگ" توانیان لە ژێر ناوی "بالهای" سەربەخۆبن ، لە 16/12/705 وزیتیان کۆچی دوایی کرد و ئیمپراتۆریەتێکی لاوازی دوای خۆی جێهێشت














16/

شاژن سیۆندۆکی شیللا



شاژن سیۆندۆکی شیللا، لەدایکبوونی نادیارە بەڵام لە 17/2/647 زایینی مردووە. یەکەم فەرمانڕەوای شاژن بوو لە مێژووی کۆریا، وە دووەم ژنە دەسەڵاتدار بوو لە مێژووی ڕۆژھەڵاتی  ئاسیا ، ماوەی فەرمانڕەوایەتییەکەی لە نێوان ساڵانی ٦٣٢ی زایینی تا ٦٤٧ی زایینی بۆ ماوەی ١٥ ساڵ شاژنی شانشینی شیللابوو. بیست و حەوتەم  فەرمانڕەوای شانشینی شیللابوو. یەکێک بوو لە سێ شانشینەکەی  کۆریا، کاری بۆ ئاوەدانکردنەوە و یەکگرتنی کۆریا دەکرد کە تا ئەمڕۆش ئەو خەونە بەدینەهاتووە












17/

شاژن لاکشمیبای



مانیکارنیکا لە 19/11/1828  هەرێمی "بیسور" لە هندستان لەدایکبووە.لە ساڵی 1842 هاوسەرگیری لەگەڵ میری هەرێمی "جانسی" کرد و نازناوی "لاکشمیبای" پێدرا . ڕۆڵێکی گرنگى له شۆڕشی 1857 ی هندستان گێرا .لە 18/6/1858 ماوەیەکی کەم پێش سەردانی شاژن ڤیکتۆریا بۆ هندستان کوژرا












18/

حیشپۆت



ساڵی 1508پ.ز-1458 ژياوە ، کچی تحوتمسی یەکەم بوو دوای مردنی باوکی هاوسەرەکەی وەک تحوتمسی دووەم بوو بە فیرعەون و دوایی مردنی تحوتمسی دووەم لە 1486پ.ز حیشپۆت بۆ ماوەی حەوت ساڵ بە بیانووی بچوکی تەمەنی کوڕەکەی نەیهێشت تاج لەسەرنانی بۆبکرێت و خۆی لە جێگەی ئەو دەسەڵاتی بە نافەرمی لەدەستدابوو لەو ماوەدا سوپا و پیاوانی ئاینی خستەژێردەستی خۆیەوە دواتر لە 1479پ.ز بە فەرمی بوو بە فيرعەوەن ئەگەرچی یەکێک لە مەرجەکانی فیرعەون بوون  پیاویەتیە و لە حیشپۆتدا نەبوو ، لەسەردەمی دەسەڵاتیدا خۆی لە جەنگ دووردەخستەوە و گرنگی بە بازرگانی و بیناسازی دەدا پەرستگای سوگواری دروستکرد، لە 1458پ.ز مرد ولە تەنیشت باوکی نێژرا و کوڕەکەی وەک تحوتمسی سێیەم بوو بە فیرعەون










19/

شاژن ڤیکتۆریا



لە 24/5/1819 لە دایک بووە ،لە 20/6/1837 بوو بە شاژنی ئینگلتەرە،لە 10/2/1840 هاوسەرگیری لەگەڵ شازادە ئەلبێرت کرد و بۆ یەکەم جار عەزیەی سپی لەبەرکرد کە ئێستا بووە بە نەریت . ئەلبێرت لە 1861 مرد ، ساڵی 1880 شاژن (ڤیکتۆریا)ی بریتانیا مێزێکی به‌ دیاری به‌خشیه‌ سه‌رۆک (ره‌زه‌رفۆرد)ی ئه‌مریکا،،مێزه‌که‌ له‌ به‌هێزترین جۆری دار دروستکراوه‌ ،25 سه‌رۆکی یه‌ک له‌ دوای یه‌کی ئه‌مریکا کاریان له‌سه‌ری کردوه‌، و هیچ سه‌رۆکێکی ئه‌مریکا مافی ئه‌وه‌ی نیه‌ ره‌تی بکاته‌وه یان بیگۆرێت ،سەردەمى حوکمى ڤیکتۆریا ٦٣ و ٧ مانگ و ٢ ڕۆژی ساڵى خایاند کە سەردەمى بازرگانى، کەلتور، سیاسەت، زانست و گۆڕانکارى سەربازى گەورەبوو بۆ بەریتانیا ، لە 22/1/1901 مرد ، لە 4/2/1901 نێژرا










20/

شاژن ئیلیزابێسی یەکەم



لە 7/9/1533 لە ئینگلتەرە لە دایک بوو ،کچی "هێنری حەوتەم " بوو ، تەنها تەمەنی 3 ساڵ بوو کاتێک باوکی ئیلیزابێس ژنی دووەمی خۆی "ئانبۆلین" کە دایکی ئیلیزابێس بوو بە تۆمەتی داوێن پیسی و ناپاکی سەربڕی ، بەم هۆیەوە لە وەرگرتنی تەختی شاهانە خرایە کۆتا کەسەوە دوای "ئێدوارد" و "ماری" ، ژنی شەشەمی باوکی"کاترین پار" ئیلیزابێسی فێری وتاردان و مێژوو و ئاینناسی(مەزهەبی پڕۆتستانت) و فەلسەفە و زمانی ( یۆنانی و لاتینی و فەرەنسی و ئیتالی و ئینگلیزی) کرد ، ساڵی 1547 باوکی مرد و "ئێدوارد" بوو بە شا ، ساڵی 1553 "ئێدوارد" مرد و "ماری" ببو بە شا لە 17/11/1558 ماری مرد و ئیلیزابێس بوو بە شا ژیانی هاوبەشی پێکنەهێنا ، کۆتایی بە شەڕی نێوان " کاسۆلیک و پڕۆتستانتەکان " هێنا و خاکی ئینگلتەرەی بەرفراوان کرد و لاوازی نرخی دراوی کۆتایی پێهێنا و ڕێژەی ڕاوێژکارانی کەمکردەوە و کشتوکاڵی بەهێزتر کرد و لەگەڵ فەرەنسا و سکۆتلەندا ڕێککەوت و چاکسازی گەورەی لە بوارەکانی ئابوری و زانست و هونەر و ئەدەب وهێزی دەریایی کرد ، لە 24/3/1603 لە ئینگلتەرە مردو سەردەمی دەسەڵاتی بە "سەردەمی زێڕین" ناسرا و بە نیوەی دووەمی سەدەی شازدە دەگوترا "سەدەی ئیلیزابێس"














21/

شاژن ئیلیزابێسی دووەم



ئێلیزابێس ئەلێساندرا ماری لەدایکبووی 21/4/1926 ،لە تشرینی دووەمی 1947  هاوسەرگیری لەگەڵ دەقی ئەدنبرە'شا فلیپ' کردووە لە وێستمنستەر ئەیبی ، لە 6/2/1952 تا ئێستا شاژنی بەریتانیایە کە درێژترین ماوەی حوکمڕانیە لە مێژووی بەریتانیا ، 2/6/1953 تاجی لەسەر نرا و هەشت منداڵی هەیە










22/

شاژن ئیزابێلای یەکەم



لە 22/4/1451 لە لاس پاڵماسی ئیسپانیا لەدایک بووە ، لە 19/9/1468 بوو بە میراتگری براکەی"هێنری چوارەم" کاتێک لە تشرینی یەکەمی 1469 بە بێ رەزامەندی براکەی هاوسەرگیری کرد لەگەڵ جێنشینی ئارگۆن "فێرناد شا" لە میراتگری بێبەری کرا ،ساڵی 1474 هێنری مرد و شەڕ لە نێوان ئیزابێلا و جوانی خوشکی دەستیپێکرد لەسەر تەختی شاهانە و ئیزابێلا لە 1479  سەرکەوت و تەختی شاهانەی بەدەستهێنا و هەر هەمان ساڵ (1479 ) پادشای ئارگۆن مرد و فێرناند هاوسەری ئیزابێلا بوو بە شای ئارگۆن و لەگەڵ ئیزابێلا حوکمڕانی زۆربەی ئیسپانیایان دەکرد ،توانیان لە گرانادا بەسەر موسڵمانان سەرکەون و دواتر پێداویستی گەشتەکەی "کریستۆڤەر کۆلۆمبۆس" ی دابین کرد و ڕۆڵی گرنگی لە ڕیفۆرمی ئیسپانیا هەبوو،لە 26/11/1504 مرد
















23/

هیلاری کلینتۆن



هیلاری ڕۆدهام کلینتۆن سیاسەتمەداری ئەمریکی 26/10/1947 لە ویلایەتی شیکاگۆ لە ئەمریکا لە دایک بووە ،1975 هاوسەرگیری لەگەڵ بێڵ کلینتۆن کرد و ، لە ساڵی 1979-1992 خانمی یەکەمی ولایەتی ئەرکان ساز بوو ، لە 1993-2001 خانمی یەکەمی ئەمریکا بوو ،لە 2000سیناتۆری نیو یۆرک بوو ، لە 2006 دووبارە سیناتۆری نیویۆرک بوو ،لە 2008 لە بەرامبەر باراک ئۆباما شکستی هێنا بۆ بوون بە کاندیدی دیموکراتەکان بۆ پۆستی سەرۆكی ئەمریکا، لە 21/1/2009  بۆ   1/2/2013 وەزیری دەرەوەی ئەمریکا بوو ، لە 2016 شکستهێنا بۆ بوون بە سەرۆکی ئەمریکا














24/

کۆکۆ شانێل



گابرێل بونۆر 19/8/1883 سۆمور،گەورەترین ژنە دیزاینەری مێژوو ،لە هەتیوخانە گەورە بووە هەر لەوێ دەستی بە کاری دورین کردووە،ساڵی 1913 فرۆشگایەکی لە پاریس کردەوە کە جلەکانی لە دیزاین و دورینی خۆی بوون،دوای سەرکەوتنی  فرۆشگای لە چەند شارێکی تر کردەوە،دیزاینی سەرجەم جۆرەکانی جلی ژنان و پیاوانی کردووە شانێل جۆرە پارچەیەکی تایبەتی بەکاردەهێنا و ئەم پارچە لە جەنگی یەکەمى جيهاندا بۆ جلی سه ربازان بەکارهێنرا دوای داگیرکردنی فەرەنسا لە جەنگی دووەمى جیهانیدا دیزاینی بۆ ئەڵمانەکان کردووە،دوای جەنگەکە ژنان دیزاینە کۆنەکانی شانێلیان بەکارنەدەهێنا بەڵام شانێل دووبارە توانی دیزاینی نوێ بکات و سەرنجی ژنان ڕابکێشێتەوە لە 10/1/1971 مرد و وەک ڕێزێک بۆی بەناوبانگترین بۆن " عەتر" ی فەرەنسی ناونرا "شانێل"










25/

مارلین مۆنرۆ



نۆرما جین مۆرتێنسن 1/6/1926 لە دایک بووە ،ھونەرمەند و گۆرانییبێژ و مۆدێلگەری ئەمریکیبوو،ئەفسانەی سینەمای ئەمەریکیی بوو،لە هەتیوخانە گەورە بوو،لەتەمەنی 16 ساڵی هاسەرگیریەکی ناچاری کرد ،لەتەمەنی 19 ساڵی  لە پڕۆژەیەکی ڕۆناڵد ڕیگان بۆ یەکەم جار دەرکەوت،یەکەم دەستکەوتی ھونەری ساڵی 1945 بوو ، هەر هەمان ساڵ دوای ئەوەی کە وێنەکەی دانرا وەک  مۆدێلگەرلە لایەن کۆمپانیایەکی ڕیکلامەوە بەرەبەرە بەرەو لووتکە دەڕۆیشت و دەوترێت کە گوایە دانەکانی و شەویلگەی و لوتی بۆ چاککراوە، بەڵام کاتێک بە قژە زەردەکەیەوە دەرکەوت بوو بە (ھەورەبرووسکەی مێینەتی). مارلین مۆنڕۆ نموونەی ئەو وێنەیە بوو کە ئەمەریکادەیویست تێیدا ببێت پاش جەنگی جیھانیی دووەم، بۆیە وەک ڕەخنەگران دەیانووت مارلین مۆنڕۆ درووستکراوە و ھیچ شتێکی تێدا نییە کە ڕاستیی بێت ، لە 5/8/1962 لەسەر سیسەمەکەی خۆی لە ماڵەکەیدا لە لۆس ئانجلوس بەڕووتی بەبێ ھیچ جلێک دۆزرایەوە، لەو کاتەدا تەمەنی ٣٦ ساڵ بوو، باڵای ١٦٦ سانتیمەتر بوو، و نزیک بە ٥١ کیلۆگرام دەبوو، لە ڕووداوێکی ئاڵۆز تا ئێستا کۆچی دوایی کرد












26/

مادۆنا



مادۆنا لویس سیکسۆن گۆرانیبێژ و ئەکتەری ئەمریکی لە 16/8/1958 لە ولایەتی میشیگان لە دایک بوو ،لە 1978 چووە نیویۆرک ، لە ساڵی 1983 یەکەم ئەلبومی بڵاکردەوە ، تا ئێستا زیاتر لە 300 ملیۆن سیدی فرۆشراوە وەک سەرکەوتوترین ژنە گۆرانی بێژ ناوی لە کتێبی گینسە ،وەک ئەکتەر بەژداری فیلمی کردووە دوو جار خەڵاتی باشترین ڕۆڵبینینی بردوەتەوە لە ساڵی 2010 سامانەکەی زیاتر لە 1 ملیار دۆلار بوو












27/

ماری کوری



لە 7/11/1867 لە (وارشۆ - پۆڵەندا) لە دایک بووە ،  لە 16 ساڵی خوێندنی تەواو کرد ، دواتر بوو بە مامۆستا ، ساڵی 1891 چووە تاقیگەی فیزیازان "گابرێل لیپمن" و کاری کرد ، لە ساڵی 1894 لەگەڵ پییەر کوری چاوپێکەوتنی کرد و  لە 25/7/1895 هاوسەرگیریان کرد ، لە هاوینی 1898 ماری و پییەر توخمی "پۆلۆنیۆم"یان دۆزیەوە و دوای چەند مانگێکی دیکە "ڕادیۆم"یان دۆزیەوە ،ساڵی 1903 لەگەڵ هاسەرەکەی و "ئەنتوان هێنری بیکۆرێل" خەڵاتی نۆبڵی فیزیایان بردەوە ،لە 19/4/1906 هاسەرەکەی مرد ،ساڵی 1906 بووە سەرؤکی زانکۆی "سۆربۆن" و لە پاریس و ساڵی 1911 خەڵاتی نۆبڵی کیمیای بردەوە ساڵی 1922 بووە ئەندامی ئەکادیمی پزیشکی لە 4/7/1934 بەهۆی ژێرپەنجەی خوێن کە لەوانەیە هۆکارەکەی تیشکی کاتی تاقیکردنەوە بوو بێت مرد و ساڵی 1995 تەرمەکەی برایە گۆرستانی نه ته وه یی فه ره نسا ، هەروەها دوو چاڵی بوڕکان کە یەکێکیان لەسەر مانگ و ئەوی دیکە لەسەر مەریخە بەناویەوە کراون و مانگێکی دەستکردی ناسا بەناوی کراوە





-یه که م ژنی خاوه ن خه لاتی نۆبڵه .



-یه که م که سیشه  که  بۆ دوو جار خه لاتی نۆبڵ وه ربگرێت.



-یه که م ژنه  پرۆفیسۆری زانکۆی پاریسه .



-یه که م ژنیشه  که  له  گۆرستانی نه ته وه یی فه ره نسا بە خاک سپێردراوه .



-یه که م که سیشه  لێکۆڵینه وه ی کردووه  له سه ر تیشکی ئه تۆمی


















28/

ئەنگێلا مێرکڵ





لەدایکبووی  17/7/1954 لە شاری هامبۆرگ ، دکتۆرای لە کیمیا و فیزیا هەیە ،ئەندامی حیزبی  دێموکراتی  مەسیحیە ، لە 2005 ەوە ڕاوێژکاری ئەڵمانیایە














دابەزاندنی کتێبی سەد ژنی کاریگەر لە مێژوودا




















لەم کتێبەدا دەتوانیت ژیاننامەی چەندان ژنی دیکەی ناوداری مێژوو بخوێنیتەوە وەک ( کلیۆپاترا  - ژنەکەی فرانکلین ڕۆزڤێڵت -

















&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&





نوسین و ئامادەکردنی : ئەرکان





&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&







پێشکەش بە کورژین







&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

دواترین جار ده‌ستكاری كراوه‌ له‌لایه‌ن Arkan Salah (2017-09-08 15:14:30)

له‌سه‌ر هێڵ نی‌یه‌

 

#3 2017-09-14 22:49:20

alikalary727
خونچەی نوێ
ڕێكه‌وتی به‌ ئه‌ندامبوون‌: 2015-06-18
دواترین سه‌ردان: 2018-07-01
په‌یامه‌كان: 101
unknownOpera

Re: ژیاننامەی 28 ژنی ناسراوی ئێستا و مێژوو

dast xosh , mandw nabit

Kurdzhin
يان كوردستان يان نەمان

له‌سه‌ر هێڵ نی‌یه‌

 

#4 2017-10-06 20:04:26

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-11-09
په‌یامه‌كان: 442
unknownOpera

Re: ژیاننامەی 28 ژنی ناسراوی ئێستا و مێژوو

دايكى كورد



دانیاڵ میتران له‌ 29ی تشرینی یه‌كه‌می ساڵی 1924 له‌ شارۆچكه‌ی (ڤێردون) له‌دایكبووه‌، باوكی مامۆستایه‌كی سۆسیالیست بووه‌.

له‌ ساڵی 1940 دوای ئه‌وه‌ی هێزه‌كانی ئه‌ڵمانیا زۆربه‌ی فه‌ره‌نسایان داگیركردووه‌، دانیاڵ میتران كه‌ ئه‌و كاته‌ ته‌مه‌نی ته‌نها 17 ساڵ بووه‌, وه‌كو پرستارێك په‌یوه‌ندیی به‌ هێزه‌كانی به‌رگری فه‌ره‌نساوه‌ كردووه‌.



له سەردەمی جه‌نگی دووی جیهانیدا یه‌كێک بوو له‌وانه‌ی به‌نهێنی به‌دژی داگیرکه‌رى ئەڵمانى چوونه نێو موقاومه‌ت و هەر لە مەیدانی بەرگریش دا بوو کە لە گەڵ فرانسوا میتران ئاشنا بوو.

له‌ 27ی ئۆكتۆبه‌ری ساڵی 1944 له‌گه‌ڵ فڕانسوا میتران، كه‌ ئه‌وكاته‌ ئه‌ویش ئه‌ندامێكی هێزی به‌رگری بووه‌، هاوسه‌رگیری ئه‌نجامداوه‌ و دوو كوڕیان بووه‌ به‌ ناوه‌كانی (گیلبه‌رت و جین كریستۆف)



له‌نێوان ساڵانی (1981-1995) دانیاڵ میتران خانمی یه‌كه‌می فه‌ره‌نسا بووه‌، به‌ڵام هه‌وڵیداوه‌ خۆی دووربخاته‌وه‌ له‌ رێوڕه‌سمی پێشوازییه‌كان له‌ كۆشكی ئێلیزێ و پرۆتۆكۆڵه‌كان، بەڵكو زێتر خۆی بۆ ئیشوكاره‌كانی مافه‌كانی مرۆڤ ته‌رخانبكات و له‌ چاوپێكه‌وتنێكدا خۆی وه‌كو كه‌سێكی ساده‌ وه‌سفكردووه‌.

له‌ساڵی 1986دا رێكخراوی فرانس لیبه‌رتی (فەرەنسای ئازاد) بۆ داكۆكیكردن له‌ مافه‌كانی مرۆڤ و مافه‌كانی كه‌مینه‌كان دامه‌زراندووه‌. ئەم رێكخراوە 400 قوتابخانەی لە هەرێمی كوردستان دروست كردووە.

له‌ ساڵی 1992 له‌میانه‌ی سه‌ردانێك بۆ هه‌رێمی كوردستان له‌گه‌ڵ بێرنارد كۆشنه‌ر، وه‌زیری ته‌ندروستی ئه‌و كاته‌ی فه‌ره‌نسا بۆمبێکیان بۆ دانایه‌وه و ویستیان تێرۆری بکه‌ن بەڵام رزگار بوو. دوای تێرۆره‌که رایگەیاند کە تا مردن خه‌باتی خۆم له‌پێناوی عه‌داله‌ت درێژه ده‌ده‌م.

فرانسوا میترانی هاوسه‌ری دانیاڵ میتران له‌ساڵی 1996 به‌ نه‌خۆشی شێرپه‌نجه‌ كۆچی دوایی كرد، به‌ڵام دانیاڵ میتران به‌رده‌وامبوو له‌ كاری سیاسی و كاركردن له‌ بواری مافه‌كانی مرۆڤ و سمینار و كۆڕه‌كانی دژه‌ جیهانگیری و به‌رگریكردن له‌ گروپه‌كانی كه‌مینه‌كان، له‌ساڵانی دواییدا خۆی دوورخسته‌وه‌ له‌ پارتی سۆسیالیستی مێرده‌كه‌ی.

دانیاڵ میتران چه‌ند كتێبێكی نووسیوه‌، له‌وانه‌ كتێبێك له‌باره‌ی یاخیبوون و شۆڕش له‌ هه‌رێمی چیاپاسی مه‌كسیك و یاده‌وه‌رییه‌كانی خۆی.

خاتوو دانیاڵ میتران، یەكێك بووە لە دۆستە دڵسۆز و نزیكەكانی گەلی كورد و هەمیشە پشتیوان و داكۆكیكاری دۆزی كورد بووە و بەرگری لە داوا رەواكەی كردووە. هەر بەپشتیوانی ئەویش لە ساڵی 1991 هێڵی 36، واتە هێڵی دژە فڕین بۆ هەرێمی كوردستان دیاری كرا.

ئەو خاتوونە چەند جارێك سەردانی هەرێمی كوردستانی كردووە، تەنانەت لە پەرلەمانی كوردستانیشدا وتاری پێشكەش كردووە.

له 22/11/2011  لە تەمەنی ٨٧ ساڵی و لە نه‌خۆشخانه‌ی ژۆرج پۆمپیدووی شاری پاریس کۆچی دوایی کرد و هه‌ر به‌وبۆنه‌یه‌وه‌، سه‌رۆكایه‌تی ئه‌نجومه‌نی وه‌زیران، بڕیاریدا به‌ راگه‌یاندنی پرسه‌ (حیداد) له‌ ڕۆژی 23\11\2011 له‌ هه‌رێمی كوردستان

به‌ڕێز مام جه‌لال به‌رده‌وام له‌هه‌موو سه‌ردانێكیدا بۆ فه‌ڕه‌نسا به‌تایبه‌تی سه‌ردانی دانیال میتێرانی كردووه ‌و له‌ته‌ندروستیی پرسیوه‌. له‌دوا سه‌ردانیدا له‌تشرینی دووه‌می 2010 له‌نه‌خۆشخانه‌ی ئه‌نڤالید له‌پاریس سه‌ردانی ئه‌و خانمه‌ی كردو بۆ ماوه‌یه‌كی زۆر لای مایه‌وه‌ بۆ دڵنیابوون له‌هه‌واڵ و ته‌ندروستی.


لەدەستدانی ئەو خاتوونە، كۆسپێكی گەورە بوو بۆ دۆزی رەوای گەلی كورد لە جەرگەی ئەروپادا، چونكە ئەو خاتوونە وەك نوێنەر و بەرگریكارێكی سەرسەختی گەلی كورد بووە لە فەرەنسا و یەكێتی ئەوروپادا.
ئەو لە چاوپێكەوتنێكیدا لەمەڕ پرسی كوردستان و كوردەوە دەڵێت "مه‌سه‌له‌ی كورد به نێونه‌ته‌وه‌یی كراوه. ئه‌مڕۆ هه‌موو كه‌س له وجود و خه‌باتی كورده‌كان ئاگاداره. ‌به‌تایبه‌تی له باشووری كوردستان بنیاتنانه‌وه‌ی وه‌ڵاته‌كه‌یان له‌پاش كاره‌ساتگه‌لی وه‌ک ئه‌نفال و شه‌ڕی ئێران و عێراق و شه‌ڕی نێوخۆیی جێگای ئافه‌رینه. كوردستان سه‌رزه‌مینێكی ده‌وڵه‌مه‌نده، به‌تایبه‌تی له باری سه‌رچاوه‌كانی ئاوه‌وه و به‌بێ شك ته‌ماح و ڕكه‌به‌ری و ده‌ستێوه‌ردانی ئه‌ملا و ئه‌ولا ڕاده‌کێشێ. گه‌وره‌ترین سه‌رچاوه‌كانی ئاوی ڕۆژهه‌ڵاتی نێوه‌ڕاست له كوردستاندا هه‌ڵكه‌وتوون. ئه‌وه‌ی ئێستا زیاتر له هه‌موو شتێك مێشكم مه‌شغوڵ ده‌كا ریسكی ئه‌و مه‌ترسییانه‌یه كه له‌سه‌ر حه‌زی ده‌ستبه‌سه‌رداگرتنی سه‌رچاوه ئاوییه‌كانی كوردستاندا ساز ده‌بن، چونكه هه‌ر ده‌وڵه‌تێك كۆنتڕۆڵی ئه‌و سه‌رچاوانه‌ی له‌د‌ه‌ستدا بێت و دیجله و فورات بكاته هی خۆی زۆر به‌هێز ده‌بێ".

هەر لەو چاوپێكەوتنەدا ئاماژە بەوە دەكات كە رێكخراوەكەی (فڕانس لیبەرتی) بەپێی توانای خۆی له بیناتنانه‌وه‌ی كوردستاندا رۆڵی بووه، چونكه 400 قوتابخانه‌ی دروستكردووە.
هیوا دەخوازێ كورد ناوماڵی خۆی رێكبخات و خۆی بەهێز بكات. وەك ئەو دەڵێت "گرینگ ئه‌وه‌یه كورده‌كان له‌پێشدا له‌سه‌ر پێی خۆیان بووەستن و بزانن كه ده‌توانن به‌هێز بن. هیوادارم گه‌لی كورد وه‌ها خۆی ڕێكبخات كه بۆخۆی بتوانێ ده‌وڵه‌تانی حاكم ناچار بكات كه ڕێز له مافه‌كانی بگرن".

بۆ رێزگرتنیش لەو خاتوونە و وەك وەفایەك بۆی لەلایەن خەڵكی كوردستانەوە، چەند شەقام و شوێنێكی گشتی لەهەرێمی كوردستان بەناوی ئەوەوە كراوە.




********************************************************************************************************************************




La Rûdaw















1/دانیاڵ میتران







2/دانیال میتێران







3/دانیال میتران







4/دانیل میتران







5\danielle mitterrand kurdistan







6\danielle mitterrand








7\danielle mitterrand kurd








8\danielle mitterrand kurd











********************************************************************************************************************************




1\daniel mitterand u leyla zana





2\daniel mitterand u leyla zana






3\daniel mitterrand u mam jalal u masoud barzani






4\daniel mitterrand







5\\daniel mitterrand u mam jalal u masoud barzani







6\daniel mitterrand u ahmad kaya







7\daniel mitterrand u ahmad kaya







8\daniel mitterrand u jli kurdi u jamanai sur







9\daniel mitterrand u masoud barzani


دواترین جار ده‌ستكاری كراوه‌ له‌لایه‌ن Arkan Salah (2017-10-06 21:44:57)

له‌سه‌ر هێڵ نی‌یه‌

 

#5 2017-10-07 16:59:01

DLLA
:: گـوڵـی یـانه‌ ::
Kurdistan
Kurdzhin: Grupy peshangy
ڕێكه‌وتی به‌ ئه‌ندامبوون‌: 2016-06-20
دواترین سه‌ردان: 2019-07-18
په‌یامه‌كان: 687
LinuxSafari

Re: ژیاننامەی 28 ژنی ناسراوی ئێستا و مێژوو

dast xosh

Kurdzhin
ئەو ئەشقەی لە دڵمە
تەنها بە وەستانی دڵم
کۆتای دێت

له‌سه‌ر هێڵ نی‌یه‌

 

#6 2018-04-25 15:45:59

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-11-09
په‌یامه‌كان: 442
unknownOpera

Re: ژیاننامەی 28 ژنی ناسراوی ئێستا و مێژوو

KURDISTAN  KURDISTAN  KURDISTAN  KURDISTAN KURDISTAN  KURDISTAN  KURDISTAN
KURDISTAN  KURDISTAN
KURDISTAN
KURDISTAN  KURDISTAN
KURDISTAN  KURDISTAN  KURDISTAN
KURDISTAN  KURDISTAN  KURDISTAN  KURDISTAN






ناوى هەندێك لەو گۆرانبيبێژانەى بەژدارى ئاهەنگى پالپشتى كوردان بوون له 1991

كريس دوبورگ  و  گلۆريا ئيستيفايد   و  پيتەر گابرێل  و  ستين   و رود ستيوارت   و   بۆل سيمۆن    و   م.س هامەر     و    شنايد كۆنۆر  ........................



هەندێك گرته ڤيديۆى ئاهەنكەگە






















































































هاوكات گۆرانيبێژى ناسراوى ئەمريكى مادۆنا داواى كۆكردنەوەى يارمەتى بۆ كوردان كرد و ئاهەنگى سازكرد


























KURDISTAN  KURDISTAN  KURDISTAN  KURDISTAN KURDISTAN  KURDISTAN  KURDISTAN
KURDISTAN  KURDISTAN
KURDISTAN
KURDISTAN  KURDISTAN
KURDISTAN  KURDISTAN  KURDISTAN
KURDISTAN  KURDISTAN  KURDISTAN  KURDISTAN

له‌سه‌ر هێڵ نی‌یه‌

 

#7 2018-04-29 10:28:50

DLLA
:: گـوڵـی یـانه‌ ::
Kurdistan
Kurdzhin: Grupy peshangy
ڕێكه‌وتی به‌ ئه‌ندامبوون‌: 2016-06-20
دواترین سه‌ردان: 2019-07-18
په‌یامه‌كان: 687
LinuxSafari

Re: ژیاننامەی 28 ژنی ناسراوی ئێستا و مێژوو

dast xosh bzhi

له‌سه‌ر هێڵ نی‌یه‌

 

#8 2018-06-28 20:27:04

Arkan Salah
پڕشنگی یانە
Kurdistan
Kurdzhin: Grupy peshangy
شوێن: كوردستان=بەهەشت
ڕێكه‌وتی به‌ ئه‌ندامبوون‌: 2016-01-29
دواترین سه‌ردان: 2019-11-09
په‌یامه‌كان: 442
unknownOpera

Re: ژیاننامەی 28 ژنی ناسراوی ئێستا و مێژوو

KURDISTAN  KURDISTAN  KURDISTAN  KURDISTAN KURDISTAN  KURDISTAN  KURDISTAN
KURDISTAN  KURDISTAN
KURDISTAN
KURDISTAN  KURDISTAN
KURDISTAN  KURDISTAN  KURDISTAN
KURDISTAN  KURDISTAN  KURDISTAN  KURDISTAN






********************************

Margarît, Leyla û Zîlanê
Nîgar, Rengîn û Ceylanê
Dilêrî û dengê jinên kurd
Belavkrini li cîhanê

Adib Çalki




********************************


Margarît  له خوارەوه

Leyla        ‏ لەيلا قاسم له سەرەوه ‏باسكراوه


Zîlan  لەم بابەتەدا








Nîgar u Rengîn u Ceylan      لەم بابەتەدا







********************************



مارگرێت جۆرج





ئافرەتێکی ئاشووریی کورد بوو له 21/1/1942 له دايك بوو ،  سالى 1961 بوو به پێشمەرگە و بە یەکەم ژنی پێشمەرگەی کورد دادەنرێت كە بەشداری لە شۆڕشی ئەیلول كردووە  و بە ھۆی ئازایی و نەترسییەکەوە زۆر زوو بەناوبانگ بوو. وێنەکانی مارگرێت بۆ ھاندانی کوردەکان، بە گشتی لەنێو کۆمەڵانی خەڵکدا بڵاو کرایەوە. بەڵام لە شەوی ٢٦ی کانوونی دووەمی ١٩٦٩ لە گوندی قەڵاقومری لە بۆسەیەکدا بە شێوەیەکی " گوماناوی " کوژرا. لەدوای کوژرانی ئیتر لەنێو میدیاکانی کوردەکانەوە ناوی لێنەبرا.













......................................................







http://www.speemedia.com/image2/galry/margret.pm1.jpg













http://www.speemedia.com/image2/galry/margeta3.jpg











http://www.speemedia.com/image2/galry/margreta2.jpg

















http://www.emrro.com/images/margiret.jpg



















http://kurdistan24.blob.core.windows.net/filemanager/resources/files/2017/11/HomarDzaeiMargreta.jpg














http://kurdistan24.blob.core.windows.net/filemanager/resources/files/2017/11/CSeflqVWcAArB3j.jpg













https://i.pinimg.com/originals/56/c4/ff/56c4fffd820ad3f525bef432c88272bb.jpg













https://shevchira.files.wordpress.com/2014/12/kemal-fouad.jpg




























https://i.pinimg.com/originals/5a/4f/3f/5a4f3f5a689372901ee65ffd6f1d53d0.jpg










HD HD HD HD HD HD HD HD


1\





2\





3\





4\






5\گۆڕى مارگرێت جۆرج








KURDISTAN  KURDISTAN  KURDISTAN  KURDISTAN KURDISTAN  KURDISTAN  KURDISTAN
KURDISTAN  KURDISTAN
KURDISTAN
KURDISTAN  KURDISTAN
KURDISTAN  KURDISTAN  KURDISTAN
KURDISTAN  KURDISTAN  KURDISTAN  KURDISTAN

دواترین جار ده‌ستكاری كراوه‌ له‌لایه‌ن Arkan Salah (2018-06-28 23:07:11)

له‌سه‌ر هێڵ نی‌یه‌

 


خوارووی مه‌كۆ

Your IP Address : 3.234.214.113
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net