بەپێی نوێترین توێژنەوەکانی توێژەران، خواردنی خۆراکی پڕۆتۆیندار جگە لەگۆشت دەبێتە هۆی كه‌مبونه‌وه‌ی‌ مەترسی تووشبوون بە جەڵتەی مێشک، به‌ڵام بەکارهێنانی زۆری‌ گۆشتی سوور ئەگەری تووشبوون جه‌ڵته‌ی‌ مێشك زیاد ده‌كات. پسپۆڕانی بواری تەندروستی لەئەمریکا توێژینەوەیەکیان لەسەر پەیوەندی نێوان بەکارهێنانی ماددە پڕۆتۆیینیەکان‌و كه‌مبونه‌وه‌ی‌ مەترسی جەڵتەی مێشک ئەنجامداوە. جەڵتەی مێشک چوارەمین هۆکاری مردنە لە وڵاتی ئەمریکا. بەپێی‌ راپۆرتێکی ماڵپەڕی “تێک تایمز”، لەو توێژینەوەیەدا دەرکەوتووە کە ئەو کەسانەی کە رێژه‌یه‌کی زۆر خۆراکی پڕ پڕۆتۆیینیان له‌خواردنه‌كانیاندا هەیە 20% کەمتر بەراورد به‌ کەسانی دیکە تووشی جەڵتەی مێشکدەبن. هەروەها بەپێی ئەو توێژینەوە زیادکردنی 20% پڕۆتۆیین بە له‌ژه‌مه‌كانی‌ خۆرادانی‌ رۆژانەدا 26% رێژەی تووشبوون بە جەڵتەی مێشک کەمدەکاتەوە. شین فینگ لیۆ مامۆستای زانکۆی پزیشکی نانجینگی چین لەو باره‌یه‌وه‌ وتی‌ “جگه‌ له‌ گۆشت هه‌موو ئەو ماددانەی کە سەرچاوەی پڕۆتۆیینن کاریگەرییەکی ئەرێنییان لە سەر تەوژمی خوێن هەیە.” بەپێی ئەو توێژینەوەیە بەکارهێنانی گۆشتی ماسی دەبێتە هۆی دابەزینی رێژەی تووشبوون بە جەڵتەی مێشک، بەڵام بەکارهێنانی گۆشتی سوور پەیوەندی راستەوخۆی هەیە به‌ ئەگەری تووشبوون بەو نەخۆشییە.
س :باخجة