**بــه‌هــای خــۆراکی ( تــۆ شــووتی ) **
*جگە لە بەهای خۆراكیی شووتی، تۆشووتی Watermelon seeds بایەخێكی خۆراكی گرنگی هەیە، بۆ ئەم مەبەستە جوینی تۆشووتی پێویست دەكات چونكە ماددە گرنگەكان كەوتوونەتە ناو توێكڵی تۆوەكان، واتە بە قووتدانی تۆوەكان هیچ بایەخێكی خۆراكی و بایەخێكی تەندروستی نابێت. رێژە بەرزەكەی زینك (تۆتیا Zinc) لەناو تۆشووتیدا كە دەگاتە 10 ملگم لە هەر 100 گرام تۆشووتیدا، بایەخی تەندروستی زۆری هەیە بەتایبەتی بۆ بەهێزكردنی سیستمی بەرگری لەش، كەمی زینك لە خۆراكدا دەبێتە هۆی هەڵوەرینی قژ، سكچوون، لاوازبوونی بەرگری لەش. پێویستی رۆژانە بۆ پێگەیشتووان بریتییە لە 15 ملگم. تۆشووتی سەرچاوەیەكی باشە بۆ پرۆتین، بۆ نموونە رێژەكەی دەگاتە نزیكەی 35%. تۆشووتی چەندین جۆری ترشە ئەمینییە پێویستەكان لەخۆدەگرێت كە یەكەی بنچینەیی پێكهاتەی پرۆتینن و گرنگی بەرچاویان هەیە لە بینای ماسوولكەكانی لەش و دابینكردنی وزە بۆ ماویەكی زۆر. تۆشووتی رێژەیەكی بەرز لە كانزای ئاسنی تێدایە كە پێویستە بۆ دروستبوونی خڕۆكە سوورەكانی خوێن، هەر 100 گرام تۆشووتی نزیكەی 7 گرام ئاسن لەخۆدەگرێت. جگە لە پرۆتین، تۆشووتی رێژەیەكی بەرزی ریشاڵ لەخۆدەگرێت كە گرنگیی
تەندروستیی زۆری هەیە بەتایبەتی بۆ كۆئەندامی هەرس بۆ خۆپاراستن لە قەبزی......