به‌ناوی خوای به‌خشنده‌ی میهره‌بان
ئیبراهیمی کوڕی ئه‌دهه‌م ڕه‌حمه‌تی خوای لێ بێت ڕۆژێك به‌ بازاڕی به‌سره‌دا تێپه‌ڕی خه‌ڵکی کۆ بونه‌وه‌ لێی و پرسیاریان لێ کرد ووتیان: ئه‌ی باوکی ئیسحاق خوای گه‌وره‌ له‌ کتێبه‌که‌یدا ده‌فه‌رموێ : (ادعونێ استجب لکم) واته‌ داوه‌م لێ بکه‌ن وه‌ڵامتان ده‌ده‌مه‌وه‌، وه‌ ئێمه‌ ساڵێکه‌ داوا ده‌که‌ین که‌چی وه‌ڵاممان ناداته‌وه‌ ئیبراهم ووتی: ئه‌ی خه‌ڵکی به‌سره‌ دڵتان مردووه‌ له‌ ده‌شت:






یه‌که‌م: خواتان ناسی و وه‌ مافیتان نه‌دا.

دووه‌م: کتێبه‌که‌ی خواتان خوێنده‌وه‌و وه‌ کارتان پێ نه‌کرد.

سێهه‌م:بانگه‌شه‌ی خۆشه‌ویستی پێغه‌مبه‌ر ده‌که‌ن و سونه‌ته‌که‌یتان واز لێهێناوه‌.

چواره‌م: بانگه‌شه‌ی دژایه‌تی شه‌یتان ده‌که‌ن که‌چی کاره‌کانتان به‌ پیچه‌وانه‌وه‌یه‌.

پێنجه‌م: ووتتان به‌هه‌شتمان خۆش ده‌وێت که‌چی کارتان بۆ نه‌کرد.

شه‌شه‌م: ووتان له‌ ئاگر ده‌ترسین وه‌ جسته‌ی خۆتان کرده‌ بارمته‌ بۆی.

حه‌وته‌م: ووتتان مردن ڕاسته‌ که‌چی خۆتان بۆ ئاماده‌ نه‌کرد.

هه‌شته‌م: سه‌رقاڵ بوون به‌ که‌مو کوڕی خه‌ڵکه‌وه‌و که‌مو کوڕی خۆتان له‌بیر کرد.

نۆهه‌م: نازوی نیعمه‌تی خواتان خوارد که‌چی سوپاسگوزاریتان نه‌کرد.

ده‌هه‌م: مردووه‌کانتان ناشت په‌ندتان لێ وه‌رنگرت.