>بەناوی خودای بەخشندەی میهرەبان<
^ ^ ^
^هەر شکستێک نەمکوژێ، ئەوا بەهیزترم ئەکات^
<><><><>
مرۆڤ ڕکابەرێکی گەورەیە لەم ژیانە، کە هەردەم بەرانبەر ناخۆشیەکان ڕێگای جیا جیا ئەگرێتە بەر بۆ لە ناوبردنی ناخۆشی و لادان لێی و خۆ ڕزگار کردن لێی، بەڵام شکست کە بۆ مرۆڤ هات ئیتر ئەیخاتە ناخۆشترین و سەختترین بارەوە..
چونکە شکست غەمێکی ڕەشی گەورەیە..
هیواکان پوچ ئەکاو ئەیان وەرێنێ...
خۆشیەکان تاڵ و نامۆ ئەکا ....
بیرکردنەوەکان بۆ بێ هیوایی ئەبا و پووچیان ئەکاتەوە..
ناوە جوانەکانی خۆشبەختی ژیان: بەختەوەری، ئاسوودەیی، هیوا، هەوڵدان، هەنگاونان بۆ سەرکەوتن، شادی،..هتد. هەموویان ئەکوژێ و دژەکانیان لە شوێن دائەنێ.
~
~
~
شکستەکانیش جۆراو جۆرن، هەر جۆرێکیان لەلای خۆیەوە ئەگات بە مرۆڤ، دەست ئەکەن بە کوشتنی ئامانج و هەوڵدان و هیواکانی مرۆڤ!
بەڵام ئەوەی هەردەم جێی خۆشحاڵی مرۆڤە، هێزی مرۆڤە! کە ئەتوانێ بەرەنگاری بنوێنێت لەکاتێکا مرۆڤ شکستی بۆ دێت یا شکست ئەخوات..
مرۆڤ گەر هێز بداتە ئەخۆی، ئەگاتە ئامانج. (ابن قیم الجوزیة)
~
~
~
بەڵام بێ هیوایی زۆربەمان، هێندە زۆربووە، کە زاڵبووە بەسەر ئەو هێزەدا، بەمەش ئەو کەسە هەر شکست خواردوو ئەبێت، لیرەدا ئاقڵانەیە پرسیارێ لەخۆمان بکەین: بۆچی ئەبێ بێ هیوابم!؟ ئایا لەبەر ئەوەی ژیان ناخۆشە و دونیا فشەیە! و خەمم زۆرە!؟ باشە کەواتە ئەم وتانە بخوێنەوە:

شکست سەرکەوتنە، گەر لێوەی فێر بین. (مالکۆڵم فۆریس).

چەندین و چەندین جار لە ژیانما شکستم خوارد، هەر بۆیە سەرکەوتوو بووم. (مایکڵ جۆردان).

بۆ ئەوەی فێری سەرکەوتن بیت، سەرەتا ئەبێت فێری شکست بیت. ( مایکڵ جۆردان).

هەر شکستێک وام لێدەکات زیاتر متمانەم بە خۆم هەبێت، چونکە ئارەزووم بۆ بەدەست هێنانی شکستەکان زیاتر دەبێت وەک تۆڵەیەک، بۆئەوەی نیشانی بدەم کە دەتوانم. (نەزانراو).

پاڵەوانەکان ئەوانە نین کە هەرگیز شکست ناخۆن، بەڵکو ئەوانەن کە هەرگیز بێ بێ هیوا نابن. (نەزانراو)
~
~
~
لێرەدا زیاتر بۆمان ڕوون بوویەوە کە شکست وانەیەکی ترمان فێر ئەکات، ئێمە فێربووین کە لە خوێندنگا یا لە زانکۆ وانە فێرببین ئینجا تاقى بکرێینەوە بەلام لەژیانماندا تاقى دەکرێینەوە ئینجا وانە فێر دەبین.
~
~
~
~
~

بوونى هیواو ئومێد لە دڵو دەروونماندا وامان لێدەکات هەرەس نەهێنین بەلام ئێمە ئەگەر نائومێد بووین ئەوا تارمایى نائومێدى، رەشبینى خۆى بەسەر پرشنگە شادى بەخشەکانى هیواو ئومێدماندا دێنێ پێویستە نائومێدى بخەینە ژێر گلەوە لەجێگەى گوڵی هیواو ئومێد بروێنین، کەشکستت خوارد رووبکەرە خۆرى راستى و دلنیایى چونکە دلنیابە کە تروسکاییەکانى شەو سێبەرى رۆشنای خۆرە بەهۆى ئەوەشەوە نەبێت لەبینینى خۆرى راستەقینە بەئاسانى دلنیا نابین.
~
مەترسە لە شکست چونکە:
بۆ ئەوەی سەربکەویت، پێویستە ئارەزووت بۆ سەرکەوتن گەورەتر بێت، نەک ترست بۆ شکست. (بیڵ کۆسبی).
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^


~*~نووسینی: موسلیم چۆمانی+ ئەستێرە~*~
~~*~~تایبەت بە: کـــوردژیـــن~~*~~
^^^^^^^^^^^^^^^^^^^^^^^^^^^^^^