دوای ئەوەی لە شەوی ١٤ ی ئەم مانگە (ئادار/مارس)، لە لایەن چەند چەکدارێکی نەناسراو هونەرمەندی گەورەی تورکیایی “ئیبراهیم تاتڵیساس” بە سەختی بریندارکرا، ناوەندی دژە تاوانی ئەستەنبۆڵ لە دەیان جێگای جیاوازەوە دەستی کرد بە هەڵمەتێکی گەڕان و سەرئەنجام توانی ئەو تاوانبارەی دەستووری بریندارکردنی تاتڵیساسی داوە دەستگیر بکرێت لەگەڵ ١٤ لە تاوانباران کە بە کارەکە هەستاون.
کەناڵی ٨ ی تورکیایی بڵاویکردۆتەوە “عەبدوڵا ئوچماق ئەو تاوانبارەی کە دەستووری بریندارکردنی تاتڵیساسی داوە لە لایەن هێزەکانی ناوەندی دژە تاوانی شاری ئەستەنبۆڵ لەگەڵ ١٤ تاوانباری تر هاتە دەستگیر کردن”.
بەپێی هەمان سەرچاوە “ناوبراو چەند کەسێکی بە کرێ گرتووە و ئەوانیش لە چەند رۆژی رابردوو دوای تەواو بوونی بەرنامەکەی “ئیبۆ شۆ” لە ناوچەی شیشلی ئەستەنبۆڵ تاتڵیساس گولە باران دەکەن و بەسەختی بریندار دەبێت”.
عەبدوڵا و ئیبراهیم چەند کێشەیەکی تایبەتی لە نێوانیاندا هەبووە، هەر بەم هۆیەش ناوبراو لە ساڵی ١٩٩٨ هەرەشەی لە کوڕەکەی تاتڵیساس کردووە” ٨ ی تورکیایی گواستویەتییەوە.

(کوردمیلۆدی)